لو اشتريت دهب بأسعار غالية.. شوف نصيحة خبراء الصاغة تبيع دلوقتي ولا تصبر شوية

تجار الدهب عندهم حكمة معروفة في الدهب وتملي يقولوا عليه انه زينة وخزينة، وفي ناس كثير اشترت دهب الأيام اللي فاتت بأسعار مرتفعة عن اللي موجود عليها حاليا، ودلوقتي حسوا انهم خسروا كتير، فيا تري اية النصيحة المفيدة ليهم، ياتري يبيعيوا الدهب بالاسعار الموجودة عليه حاليا وخسارة قريبة ولا مكسب بعيد ولا يعملوا ايه.. خليكم معانا 
 

توقيع الحكومة لعقود صفقة الاستثمار السياحي في راس الحكمة باستثمارات هتوصل لـ150 مليار دولار منهم 35 مليار دولار هتدخل البنك المركزي كسيولة نقدية كان لها انعاكسات كبيرة علي اسعار السلع التموينية واللي انخفضت 30% عن اسعارها قبل الصفقة، ولكن كان الانعكاس الاكبر علي اسعار الذهب خصوصا ان سعر جرام الذهب عيار 21 والمعروف عنه انه الاكثر انتشارا في الاسواق وصل لاكثر من 4000 جنيها وحاليا وصل لـ3000 جنيه وبيلعب في حدود 200 جنيها ما بيع الزيادة والنقص.
طيب الناس اللي معاها ذهب تعمل اية دلوقتي؟.
تجار الذهب اعلنوا ان المصريين اشتروا ذهب بكميات كبيرة قوي الفترة اللي فاتت، وفي ناس اشترت الذهب باسعار قبل الانخفاض بما يقارب من 4000 جنيه، وبعد نزول سعره حاليا حسوا انهم خسروا وخسروا كتير جدا كمان خصوصا ان سعره حاليا من 3000 جنيها يعني سعروا اقل حاجة الف جنيه، ومفيش غير علي لسانهم نبيع دلوقتي وخسارة قريبة ولا مكسب بيعد ولا تستني شوية يمكن الاسعار ترفع تاني ونعوض خسارينا ونحقق مكاسب من الاستثمار في الذهب خصوصا بعد قرارات البنك المركزي الاستثنائية لضبط سوق الصرف وتصحيح الخلل في الأسواق والقضاء  على السوق الموازية للعملات وقرر فى اجتماع استثنائي للجنة السياسة النقدية تحرير كامل لسعر الجنيه بالبنوك أمام الدولار والعملات وفق قواعد العرض والطلب وكمان قرر رفع سعر عائد الإيداع والإقراض لليلة واحدة وسعر العملية الرئيسية للبنك المركزي بواقع 600 نقطة أساس ليصل إلى 27.25%، 28.25% و27.75%، على الترتيب. كما تم رفع سعر الائتمان والخصم بواقع 600 نقطة أساس ليصل إلى 27.75%.

تجار الصاغة قالوا ان اسعار الدهب في مصر مربوطة بشكل كامل باسعار الدولار في السوق السودا ملهاش طلب باسعار الدولار الرسمية في البنوك يعني لو سعر بيع الدولار في السوق السوداء تراجع فاكيد سعر الذهب هينزل، ولو رفعت فاكيد سعر الذهب هيرتفع، والاقرب ان متوسط سعر جرام الذهب عيار 21 هيكون بين 2700 إلي 3000 جنيه، ومرجع ان يرتفع اكثر في الايام الجاية خصوصا لو حصل اقبال كبير علي شرائه من المواطنين، ولكن الاعتبار ده مستبعد شوية خصوصا بعد اعلان البنك الأهلي عن طرح شهادة ادخار جديدة بعائد 30% واللي اكيد هيكون عليها اقبال كبير من المواطنين لشرائها خصوصا في ظل تراجع اسعار الذهب في مصر وبقي شراء الذهب مخاطرة غير مضمونة في الوقت الحالي .
طيب انا لو شريت دهب وهو اسعاره غالية اعمل اية دلوقتي ابيعه ولا استني يمكن سعره يرفع ثاني؟.
كل خبراء السوق والصاغة اجمعوا ان الدهب عبارة عن استثمار طويل الاجل يعني لو هتشتري دهب علشان تكسب فيه في غضون شهر ولا اثنين ولا ثلاثة مش هيحصل خالص، ووجهوا نصائح للناس اللي اشترت الذهب وهو اسعاره غالية انهم يستنوا عليه وبلاش يتسرعوا في بيعه دلوقتي خصوصا ان سعره منخفض، وقالوا ان الوقت حالي للشراء فقط، يعني لو معاك فلوس وعايز تنزل تشتري انزل فورا لانه سعره منخفض وعلي مدار الشهور اللي جاية سعره هيرتفع مرة ثانية .