دولار الحكومة ولا نار السوق السوداء

عدي أول يوم تعويم في مصر  ولأول مرة تقريبا مايكونش فيه رد فعل شديد صد قرارات رفع الفايدة وتعويم الجنيه بشكل كامل.. ياترى ليه المصريين تقبلوا قرارات المركزي رغم أن لاول. مرة في تاريخ الجنيه يبقي حر وسعره عالي كده في البنوك وايه السر في شماتة المصريين في تجار العملة..
 

 
احسن اللي عوم الجنيه مهو احنا كده كده بتشتري بالغالي والتجار والأسواق مسعره السلع بأسعار السوق السوداء فوق ال65 جنيه يبقي خلي البلد تكسب احسن من التجار دولار الحكومة ارحم من دولار السوق السوداء.. ده كان رأي معظم الناس امبارح والأغرب من ده ولاول مرة تطلع قرارات اقتصادية زي دي والناس تتوقع أن الأسعار تنزل بدل ما تزيد وفعلا الأسعار بداية من الأسبوع الجاي زي كل التوقعات هتنزل وده لسبب بسيط قلناه والناس فهمته بدري إن السلع كلها سعرها في السما عشان متسعرة بدولار السوق السوداء ودا تعب المصريين جدا وشايفين أن تعويم الجنيه ممكن يرفع الدولار في البنوك اول كام يوم لكن على الأقل مش هيكون زي نار السوق السوداء اللي حرقت مرتباتهم مدخراتهم ورفعت اسعار كل حاجة بشكل غير منطقي.

موقف وتقبل المصريين لقرارات البنك المركزي كان محل اندهاش واهتمام المؤسسات الدولية وفسروا رد فعل الشعب المصري على القرارات إن ارتفاع قيمة الدولار في السوق الموازية كان سبب أزمات الاسواق زي ماقلنا بخلاف إن المصريين هيفهموا بشكل رسمي ولحظي سعر الدولار رايح على فين ويقدروا يشتروه من البنوك في أي وقت وإن الاضطرابات في أول أيام التعليم منطقية وليها أسبابها لكن هتستقر خلال أيام والدولار والدهب والسلع والحديد كله هياخد مساره الطبيعي وكل الأسواق والتجار هيعيدوا حساباتهم من جديد بناء على منطق السوق والعرض والطلب والتكلفة والإنتاج يعني هتبقي فيه قواعد عامة هتحكم المشهد الاقتصادي بعيد عن عبث الأسواق الموازية والاقتصاد الخفي.
كمان المصريين شافوا الاصعب من التجار ومن مواطنين المفروض إنهم مصريين لكن استغلوا الظرف الاقتصادي أسوأ استغلال وتاجروا في قوت الناس ورفعوا الاسعار بشكل جنوني  وحجبوا السلع ومارسو كل المخالفات وجي الوقت اللي يدفعوا فيه التمن وشافوا في قرارات التعويم اكتر انتقام لتجار العملة والأسواق واي خسارة ليهم بتسعد المصريين لأن الفلوس اللي معاهم جمعوها من المضاربة والاحتكار والاحتيال والفساد.