حلمك هيبقي حقيقية.. الاسعار الجديدة للعربيات بعد انخفاض اسعار الدولار في السوق السوداء

توقيع صفقة راس الحكمة كان لها توابع كتيرة علي اسعار السلع والمنتجات والذهب والحديد والاسمنت وكل حاجة بيتاجها المواطن، وواحدة من الحاجات دي واللي اسعارها نزلت بشكل كبير هيا العربيات.. وانخفض سعرها بشكل كبير.. ياتري اسعار العربيات نزلت لكام.. وهل في تحفيضات تاني هتحصل الفترة اللي جاية.
 

الفترة الأخيرة وبسبب ازمة مصر من نقص العملات الاجنبية وخصوصا الدولار، ظهر كذا سعر للدولار في السوق السودا منهم دولار السلع ودولار الذهب ودولار الحديد والصلب ودولار العربيات وفي انواع ثاني وثالث ورابح ولو هنعد هنعد كثير.
بس بعد توقيع الحكومة لصفقة راس الحكمة، واعلان الحكومة عن دخول 10 مليار دولار بشكل نقدي ومباشر لخزينة البنك المركزي من قيمة الصفقة واللي هتوصل لـ35 مليار دولار، ده غير 5 مليار دولار بقوا بتوع مصر بشكل رسمي من قيمة الودايع الاماراتية الموجودة في خزينة البنك المركزي، اغلب اسعار السلع نزل سعرها وخصوصا اسعار الحديد والذهب خصوصا ان اسعارها كانت اعلي بكثير من سعرهم الحقيقي اللي المفروض يكونوا عليه.
انعكاسات توقيع الحكومة لصفقة راس الحكمة وصل لاسعار العربيات واللي نزلت بشكل كبير وبنسبة 20% على بعض الأنواع، وده في ظل تراجع قيمة الأوفر برايس، ومن المتوقع أن أسعار العربيات تستمر في التراجع خلال الفترة المقبلة، مع استمرار تراجع سعر الدولار في السوق السودا.
الدولة حاليا بتناقش حاجة مهمة كمان هتكون لها تاثير كويس علي اسعار العربيات في السوق المحلية، وهي فتح الاعتمادات المستندية واللي بيتم من خلالها توفير العملة الصعبة للاستيراد، وده هيوفر كميات كبيرة من من العربيات وهيزيد المعروض في السوق، وبالتالي هتتراجع الاسعار بشكل أكبر.
تويوتا كورولا موديل 2024، واحدة من ابرز العربيات اللي اسعارها انخفض بشكل كبيرة خلال اليومين اللي فاتوا ونزل سعرها لاكثر من 200 ألف جنيه ، وحاليا وصل سعر الفئة الأولي لمليون و 700 ألف جنيه، بدلا من مليون و 900 ألف جنيه، والفئة الثانية وصل سعرها الي 2 مليون جنيه، بدلا من 2 مليون و 100 ألف جنيه .

أسعار عربيات المعاقين كمان انحفض سعرها بشكل كبير بالتزامن مع انخفاض سعر الدولار أكثر من 15 جنيها في السوق السودا، خصوصا ان عليها اقبال كبير من المواطنين لشرائها ووصل الانخفاض في اسعارها لأكتر من 25% في بعض الانواع، وصول سعر العربية من نوع هيونداي افانتي موديل 2007 كاملة لـ 300 ألفا بدلا من 360، وعربيات هيونداي افانتي موديل 2009 كاملةل لـ320 ألفا بدلا من 400، وسعر الكيا جولد موديل 2006 كاملة لـ310 آلاف بدلا من 360، وسعر الكيا سيراتو 2012 كاملة لـ 370 ألفا بدلا من 430، وسعر الكيا سول موديل 2012 لـ 380 ألفا بدلا من 440، وسعر المرسيدس 2010 لـ750 ألف بدلا من 830.