قصة اختراع 46 مليار دولار لحل أزمة نقص الدولار في مصر .. مفاجآت

مصر في الفترة الرئاسية الجديدة بتحاول بكل الطرق انها تنوع مصادر الدخل الدولاري من اكتر من جهة علشان تحل اكبر ازمة واجهتنا في السنين الأخيرة.. يا تري اية المصادر الجديدة اللي الدولة هتشتغل عليها.. وهتدخل لمصر كام.. وهنعمل اية بالفلوس دي.
 

زي ما قولنا لحضراتكم هنا في بانكير إن منالحكومة في الفترة الرئاسية الجديدة 2024 -2030، مفيش في دماغها حاجة غير انها تحل ازمة نقص العملات الاجنبية في مصر، وتوجد طرق غير تقليدية تدخل تكون مصادر للدولار بعيد عن السياحة وقناة السويس اللي حاليا بيواجه ازمات بسبب الاحداث السياسية في الشرق الاوسط، والحرب الروسية الأوكرانية وغيرها من الصراعات اللي موجودة حاليا في اغلب دول العالم واللي اثرت بشكل مباشر علي حركة التجارة والسياحة العالمية.
طيب الحكومة عملت اية علشان توجد مصدر جديدة للدولار في مصر؟.
بداية خطوات الحكومة لحل أزمة نقص الدولار في مصر كانت باعلان الحكومة توقيع صفقة اكتتاب الفنادق التاريخية مع شركة شركة إيكون، التابعة لمجموعة طلعت مصطفي واللي هتوصل دخلها النقدي المباشر لـ800 مليون دولار، ومؤخرًا الحكومة أعلنت عن استقبال 520 مليون دولار من صفقة بيع الفنادق دخلت خزينة البنك المركزي علشان تحل ازمة نقص العملات الاجنية في مصر.
طيب اية تاني غير صفقة الفنادق التاريخية اللي الحكومة شغالة عليها؟.
تاني خطوات الحكومة لحل أزمة نقص العملات الاجنبية في مصر كان توصل الحكومة لاتفاق مع وفد صندوق النقد الدولي للحصول علي باقي شرايح القرض اللي خدت مصر الموافقة عليه في 2022 وصرف منه الشريحة الأولي، وكمان الحكومة قدرت تتوصل للاتفاق جديد مع الصندوق لزيادة القرض من 3 الي 10 مليار دولار، و هيكون سبب مباشر تاني لحل ازمة الدولار عندها في مصر، وجاي في اطار خطة الحكومة للقضاء علي السوق السودا في التجارة بالعملة في مصر.
تالت خطوات القضاء نهائيا علي ازمة نقص الدولار عندنا  كانت اعلان الحكومة عن توقيع اهم صفقة في تاريخها الحديث بتوقيع عقود صفقة رأس الحكمة باستثمارات نقدية مباشرة هتدخل جزينة البنك المركزي وهتوصل لـ35 مليار دولار منهم 11 مليار موجودن عندها كوديعة للأمارات في البنك المركزي.
الدكتور مصطفى مدبولي، رئيس مجلس الوزراء، قال ان البنك المركزي تسلم الدفعة الأولي باجمالي 10 مليار دولار علي مرتين كل دفعة بـ5 مليار دولار من صفقة مشروع تطوير وتنمية مدينة رأس الحكمة، وفي خلال شهرين مصر هتستقبل 16 مليار دولار كمان من الصفقة ده بخلاف نسبة الـ 35% اللي ستحصل عليها الدولة من صافي أرباح المشروع.
مدبولي قال كمان أنه تم تشكيل لجنة وزارية برئاسته مهمتها دراسة وتيسير اجراءات مشروع تطوير وتنمية رأس الحكمة وتذليل أي عقبات وحل أي مشكلات، وان المشروع هو شراكة استثمارية زيها زي كل المشروعات اللي بتنفيذها الحكومة مع القطاع الخاص بنظام الشراكة، ومفيش اي بند في العقد بيمس السيادة المصرية، وكل البنود بتخضع للقوانين المصرية.
مدبولي كمل كلامه وقال إن مشروع رأس الحكمة هو بداية إصلاح الأوضاع الاقتصادية، وان الحكومة هتواصل الإجراءات اللي أعلنت لترشيد الانفاق الاستثماري .