إزاي صفقة رأس الحكمة أحرجت صندوق النقد الدولي

ياترى ازاي صفقة رأس الحكمة الضخمة أحرجت صندوق النقد الدولي وايه سر التصريحات الأخيرة من مسؤولي الصندوق عن الصفقة وليه الصندوق أعلن عن معاد صرف القرض الجديد.. خليكم معانا للآخر
 

من شهور طويلة جدا ومصر داخله في مفاوضات شاقة وصعبة مع صندوق النقد الدولي لاستئناف صرف باقي شرائح قرض ال3 مليار دولار واللي وقف بعد صرف الشريحة الأزمة ب347 مليون دولار وكانت الخناقة الأساسية مع الصندوق بسبب تعويم الجنيه أو تحرير سعر الصرف أو الوصول للحالة المرنة للجنيه ومرت المفاوضات بمطبات كتير منها تصريحات مستفزة من الصندوق عن الاقتصاد المصري وكل مقصود بيها تخويف الحكومة والناس من ناحية والضغط على الحكومة المصرية من الناحية التانية.
الصندوق وصل لمرحلة فاصلة ما الدولة المصرية بعد حسم الرئيس السيسي لموضوع تعويم الجنيه وقال مفيش تعويم طول ما الظرف الاقتصادي لا يسمح وإن المواطن عنده اهم شيء ومن ساعتها الصندوق بيماطل عشان صرف القرض المصري وبعد ما حصل اللي حصل في المنطقة وحرب غزة وتأثر السياحة وقناة السويس الصندوق خد الضوء الأخضر لمساعدة مصر ومن هنا بدأ الكلام عن زيادة قيمة القرض وبعدها الكلام عن تجنب موضوع التعويم في المفاوضات وتخلي الصندوق عن الشرط ده وبكده انتصرت الحكومة المصرية، لكن لغاية كده كله كان مفاوضات ومفيش قرض اتصرف لغاية ما جت رأس الحكمة وقلبت الترابيزة في وش  كريستالينا جورجييفا، مديرة صندوق النقد الدولي.

اللي حصل إن صفقة رأس الحكمة واللي قيمتها بتساوي قيمة القرض 15ضعف دا لو الصندوق هيدينا 10 مليار دولار حسب التسريبات أحرجت وفاجئت صندوق النقد وخلت موقفه وحس جدا وده لان  تفاصيل الصفقة تم الاتفاق عليها في السر تماما ولغاية ما تم الإعلان النهائي عنها واكيد صندوق النقد الدولي اتصدم من الصفقة لانها شالت السكينة من على رقبة الحكومة المصرية وخلت فيه بدائل كتير عند مصر للقرض وإن البلد تقدر بضربة واحدة تجيب 150 مليار دولار ودي كانت الضربة القاضية للصندوق واللي خلى مديرته من ساعات تطلع وتقول إن صرف القرض هيكون خلال أسابيع وبزيادة كبيرة في التمويل.