بشاير رأس الحكمة.. سقوط مدوي لمافيا الأسعار في الصاغة
اعلان تفاصيل مشروع رأس الحكمة، زي ما كان له تاثير مباشر علي تداول وبيع الدولار في السوق السودا، كان له تاثير مباشر كمان علي اسعرا الدهب في مصر واللي انخفضت بشكل كبير وصل لاكثر من 600 جنيه مع اعلان تفاصيل المشروع.. هتري اية اللي هيحصل في اسعار الدهب في الأيام الجاية وهل الدهب هيواصل الانخفاض ولا اية اللي هيحصل
الحكومة أعلنت عن توقيع عقود اكبر مشروع استثماري في الالفية الجديدة وهو مشروع رأس الحكمة بشراكة بين مصر والإمارات، واللي هيتضمن تأسيس شركة رأس الحكمة واللي هتكون الشركة القابضة للمشروع، وهيشمل انشاء فنادق ومشروعات ترفيهية ومنطقة المال والأعمال ومطار دولى جنوب المدينة، وهيقدم استثمارات نقدية مباشرة للدولة المصري بقيمة 35 مليار دولار هتدخل خزينة البنك المركزي في خلال شهرين، وهتوصل الدفعة الأولى 15 مليار دولار، والثانية 20 مليار دولار، بالاضافة الي 35% من أرباح كمان للدولة من المشروع .
اعلان الحكومة لمشروع رأس الحكمة كان بمثابة الضربة القاضية للسوق السودا في مصر وسعر بيع الدولار في مصر انخفض لاقل من 50 جنيه لأول مرة من سنين طويلة، خصوصا ان المشروع هيكون مصدر دخل هام للعملات الاجنبية في مصر، وهيؤدي الي وجود فائض كبير في خزينة البنك المركزي من الدولار وهتنتهي معاها ازمة نقص العملات الأجنبية في مصر للابد.
اعلان الحكومة عن تفاصيل مشروع رأس الحكمة، كان له تاثير مباشر علي اسعار الدهب واللي انخفضت باكثر من 600 جنيه لعيار 21 الاكثر انتشارها في الأسواق، وسجل سعر الذهب عيار 24 لسعر 2900 جنيها، خصوصا ان الدهب كان قبل المشروع ده متسعر علي سعر بيع الدولار بـ 64 جنيه .
هاني ميلاد رئيس شعبة الذهب، قال إن اسعار الذهب هتواصل الانخفاض في الايام اللي جاية خصوصا مع دخول شهر رمضان وإعلان الحكومة عن توقيع عقود مشروع رأس الحكمة واللي هيدخل استثمارات مباشرة بتوصل لـ 35 مليار دولار، ده غير 150 مليار دولار كاستثمارات مباشرة في المشروع، واللي هيدخل مصدر اساسي لنوع جديد من السياحة في مصر وهي سياحة الاثرياء ورجال الاعمال والنوعية دي من السياحة معروف عنها انها بتصرف كتير جدا.
رئيس شعبة الذهب نصح المواطن اللي عايزين يشتروا ذهب، بالنزول فورا وشراء الذهب خصوصا ان سعره نول بشكل كبير في الايام دي بعد ما سعره وصل لاكثر من 4000 جنيه واللي كانت اعلي سعر وصله الجرام عيار 21 والمعروف عنه انه الاكثر انتشارا في الاسواق المصرية، ونصح المواطنين اللي عايزين يبيعوا الدهب الانتظار لحين انتهاء موجة هبوط الاسعار في الاسواق واللي توقع انها تشهد مزيد من الهبوط علي مطار شهر فبراير الجاري وحتي مطلع شهر مارس القادم، خصوصا في ظل الانتعاشة الكبيرة اللي هتحصل لخزينة البنك المركزي من العملات الاجنبية بعد وصول الدفعة الاولي من خلال اسبوع من صفقة مشروع راس الحكمة واللي هتوصل لـ15 مليار جنيها منهم 10 مليار جايين من الخارج بالاضافة الي تنازل الامارات عن وديعة بقيمة 5 مليار دولار، بالاضافة الي 20 مليار تانيين هيوصلوا بعد شهرين منهم 14 مليار بصورة مباشرة والتنازل عن 6 مليار كانوا وديعة في البنك المركزي .
