السعودية تستعد.. بعد رأس الحكمة صفقة أضخم في الطريق

ايه اللي بعد رأس الحكمة وازاي الصفقة الاعظم في تاريخ مصر فتحت الأبواب لصفقات تانية كتير وازاي الدولة استفادت من أزمة الدولار واللي كانت على قد الشر اللي فيها كلها خير وازاي. السوق السوداء للدولار كانت السبب في تحول مصر للأفضل وتعلم الدروس.. تعالوا نشوف التفاصيل والمفاجآت اللي جاية.

مش كل المصايب شر بالعكس أحيانا كتير بيكون فيها خير واحنا مش واخدين بالنا مثلا أزمة الدولار في مصر والكلام ده قلناه قبل كده كانت خير لأنها كشفت عيوب الاقتصاد ومدي التقصير اللي حصل في ملف التصدير والصناعة على مدار مئات السنين وازاي الدولة والحكومات الكتير اللي جت ما انتبهتش لملف مهم زي ده الخير قي في مصيبة الدولار امها كشفت الحاجة الملحة لتغير فكر الاقتصاد المصري وشكله و أولوياته ونتيجة الأزمة الدولة بدأت تحل المشكلة من أساسها وتصلح أخطاء قديمة واعتمدت خطة توطين الصناعة الوطنية وتحسين جودة المنتج المحلي وترشيد فاتورة الاستيراد وتوسيع نشاط التصدير في نفس الوقت والنتيجة العجز في الميزان التجار انخفض بشكل كبير والدولة وفرت مليارات الدولارات من الاستيراد لدرجة وفرت 8 مليار دولار في شهر واحد خلال 2023 وفي نفس الوقت الصادرات زادت

ومن فوائد أزمة الدولار الدولة بقي عندها خطط كتيرة لتوفيره وعدم تكرار الأزمة وبدأت تفكر كمان بره الصندوق وتعمل مبادرات كتيرة وتعظم وتطور موارد الدولار التقليدية في البلد وتعمل لكل قطاع خطة يعني مثلاً في السياحة عملت خطة لوصول الإيرادات ل30 مليار دولار خلال 4 سنين ونفس الرقم الحكومة بتخطط تحققه في قناة السويس يعني موردين بس للدولار هيوفروا 60 مليار دولار كل سنة ودي ضمن خطة أعلنت عنها الحكومة لتوفير 300 مليار دولار سنويا ودي فائدة وهدية مصيبة الدولار واللي خلت الدولة تنتبه للخطر.
نرجع لموضوع صفقات الإستثمار الضخمة في مصر بعد رأس الحكمة وهي أكبر صفقة في تاريخ الاقتصاد المصري لكن مش هتكون اخر صفقة في الطريق لأن فيه منافسة خليجية على حب مصر من ناحية وكمان فيه منافسه في الاستثمار والتجارة مع مصر بسبب مميزات سوق الاستثمار اللي فيها وأولها البنية التحتية القوية اللي عملها السيسي والناس كانت بتتريق على مشروعات الكباري والمحاور والطرق اللي كانت بتتعمل في الصحرا وقتها ودلوقتي عرفت أنه لولا المشروعات دي ماكانش هيجيلك مستثمر واحد والجديد إن بعد رأس الحكمة فيه صفقة كبيرة سعودية في مصر هيتم الاعلان عنها قريب

الصفقة السعودية بزيارة ترك ال الشيخ ورغم إنه رئيس هيئة الترفيه في السعودية لكن مفوض ومقرب من محمد بن سلمان ولي العهد السعودي وترك كان فيه مصر وعمل لقاءات مهمة وموسعة مع كبار رجال الأعمال في مصر وده دليل على أنه جاي في خطة عمل مدروسة واستكشافية للسوق المصري وإن فيه صفقة ضخمة سعودية في الطريق وأنها هتكون على غرار راس الحكمة وأمكن اكتر كمان ومن ميزة السوق المصري للسعوديين أنه سوق قريب جدا وسوق في بلد شقيق وسوق في بلد فازت بالمركز الأول في اهتمام السعودية بزيارة مصر في الموسم السياحي الجديد يعني السعوديين ليهم شغف كبير بمصر وشفنا اللي بيحصل مع المصريين في السعودية وازاي بيتم تكريمهم واستضافتهم في الحفلات والمناسبات وإن فيه حالة مشتركة وخاصة بين المصريين والسعوديين الشهور اللي عدت وكلها بتقول إن فيه مفاجآت سعودية لمصر وده اللي لمح ليه رئيس الوزراء لما قال إن صفقة رأس الحكمة دي البداية وفيه صفقات تانية في الطريق.