ريال الملك فؤاد بمليون والجنيه الفلاح بـ400 ألف.. هنقولك تبيع الفلوس القديمة فين
العالم مليان بهواة ومهاويس بكل حاجة قديمة وبقي ليها أسواق في كل دول العالم وفي مصر كمان وكل ما الحاجة سواء انتيكات أو عملات ما كانت قديمة طول ما كان معاك ثروة تبيعها بملايين الجنيهات والدولارات كمان.. دي حقيقة مش مبالغة على فكرة وهنقولك تبيع فين وقصص على لسان ناس بتاجر في القديم.. ركز معانا عشان تلحق تدور في بيتكم القديم على الثروة التائهة
تجارة العملات القديمة زي ماقلنا عادة ونشاط قديم ومن زمان اووي وفيه ناس متخصصة في شراء العملات دي بمواصفات معينة وبيحتفظ بيها من قبيل هواية جمع القديم أو بترجع تبيعها لمتاحف بتدفع فيها أي مبالغ واتسعت التجارة دي في السنين الأخيرة وعشان تعرف إن بنتكلم جد قناة «دي إم سي» المصرية ودي قناة كبيرة مش هتقدم اي محتوي احتيالي ولا نصب صورت تقرير مع تاجر عملات قديمة اسمه، سعيد مختار وهو مهووس بجمع الفلوس القديمة.. التاجر ده قال إنه غاوي عملات قديمة وبيجمعها وبيشتريها حتى لو هي بمليون جنيه.. وبدور عليها في أي حتة.
وقال كمان إن الفلوس القديمة خصوصا المرتبطة بعصري الملك فؤاد وفاروق هي اكتر عملات بتتباع بمبالغ كبيرة وبتوصل لمليون جنيه كمان قال إن عملة الجنيه الفلاح اللي بيرجع تاريخ إصداره لسنة 1945 وتعود للملك فؤاد بيوصل سعره ل400ألف جنيه وإن ريال الملك فؤاد مسعر في سوق العملات القديمة بمليون جنيه.
ولو معاك البريزة والشلن المصري فتقدر تبيع الواحدة منهم بـ30 ألف جنيه، ودلوقتي بعد ما عرفت الأسعار والعملات المطلوبة تقدر تدور عليها في بيت جدك القديم وفي ملابسه وتلاقي الكنز ولو لقيت تروح بسرعة لسوق ديانا وعنوانه موجود على الانترنت وبيعها واوعي التاجر يضحك عليك ويقولك ب300 جنيه وتصدقه سيبه وامشي وهينادي عليك زي ما قال تاجر الفلوس القديمة.
وعشان تعرف إن تجارة العملات القديمة موجودة في كل العالم مثلاً ودفي سوريا ممكن سعر ورقة العملة القديمة يوصل لـ30 ألف دينار وفي العراق لـ2050 دينارا، أما في أمريكا ممكن التاجر يدفع لكل ورقة من العملات القديمة 10 آلاف دولار.
ومن اكتر العملات المطلوبة عالمياً عملة «اليزابيت» الصادرة في الفترة ممن 1970 وحتى 2005، وتُباع بـ100 الف دولار، و200 ألف دولار، في وقت بيوصل سعر الريال السعودي للملك فهد يصل إلى 700 دولار.
