مصيبة جديدة لتجار العملة.. بيان صادم من البنك المركزي

المصايب نازلة على تجار السوق السودا للدولار وكل يوم فيه جديد ومفاجأت من العيار التقيل.. من امبارح للنهاردة ايه اللي حصل في السوق السودا للدولار وإيه الجديد اللي أعلن عنه البنك المركزي النهاردة.. مفاجات كتير خليكم معانا لأخر الفيديو.

امبارح زي ماشفنا السوق السودا للدولار عايشة ساعات صعبة بعد هبوط الدولار بأكتر من 18 جنيه في ساعات قليلة ولسه بيهبط وسعره دلوقتي واحنا معاكم 55 جنيه وهينزل أكتر زي ماقلنا.
واللي مش متابع معانا بنفكره إن البنك المركزي وجه ضربة كبيرة لتجار العملة بعد رفع سعر الفايدة في البنوك على الاقراض والايداع واللي أغرى ناس كتيرة تودع فلوسها وتستثمر في البنوك وفي نفس الوقت كانت فيه حملات أمنية قوية على الأسواق وتجار العملة والدهب المخالفين وسقط عدد كبير منهم وده الحقيقة كان ليه صدى كبير أووي في السوق السودا واللي عرفوا إن النهاية قربت خلاص والحكوومة والمركزي مش هيسمحوا تاني بالمهازل اللي بتحصل في سوق الصرف.

ده كله وفي وقت فيه كلام بيتردد عن تحضير البنك المركزي لمفاجأة طرح شهادات ادخار قياسية قريب جدا، لكن المفاجأة بتاعة النهاردة واللي هتعكنن على تجار العملة هي كشفت البنك المركزي المصري، عن ارتفاع احتياطيات مصر من النقد الأجنبي خلال يناير اللي فات بقيمة 29 مليون دولار ، على أساس شهري.
وقال المركزي المصري، إن صافي الاحتياطيات الدولية ارتفعت إلى 35.249 مليار دولار في نهاية يناير 2024، مقابل 35.22 مليون دولار بنهاية شهر ديسمبر اللي عدى.
طبعا الاحتياطي بيزيد من فترة كبيرة لكن المرة دي توقيت إعلان الزيادة مهم جدا لأنه بيقول رسالة قوية لتجار العملة وهي إن البلد فيها دولار والمركزي احتياطه بيزيد ولما بيزيد الاحتياطي ده معناه أمان أكتر للدولة وللمواطنين وإنه رغم الازمة البلد فيها سياسة مالية قوية وفيه سيولة دولارية وفي نفي الوقت رسالة للمؤسسات المالية الدولية إن مصر عفية ماليا وهتعرف تجيب الدولار وتوفره.
وبردو طبعا إعلان زي ده هيكون ليه تأثير كبير على السوق السودا وهيضرب المعنويات في الأرض وهيقلل نسبة عودتها مرة تانية بعد ما بقت سوق خطرة وبتخسر كتير وإنها خلاص سوق وجبرت لكن اللي ميعرفهوش إن وقت الحساب قرب كمان وفيه خطط أمنية وكل اللي لعب في السوق هتكون عليه العين والدولة هتاخد حقها منه وأدينا قاعدين وهنشوف.