قبل القرار الخطير.. ضربات قوية لمافيا الدولار والدهب
خلاص الحكومة اتحركت وبتضرب بايد من حديد على كل اللى بتسول ليهم نفسهم تخريب الاقتصاد واللعب فى سوق الصرف واشعال اسعار الدهب وباقي السلع الاستراتيجية وخلال ساعات هتسمعوا وتشوفوا أخبار كتير عن القاء القبض على عدد من حيتان العملة والمضاربين على الدولار.. فيا ترى ايه اللى بيحصل فى الكواليس؟ وهل الضربات المنية ممكن تنجح فى تحقيق الهدف منها؟ وايه الأدوات اللى بتملكها الحكومة للتعامل مع مافيا العملة والدهب فى مصر؟
بعد أيام من توجيه ضربات قوية لأباطرة الدهب المتحكمين في سعر المعدن الأصفر والمتسببين في وصول سعر الجرام لأرقام قياسية، ووجهت الجهزة الرقابية والأمنية ضربات مماثلة لمافيا الدولار والسجاير اللى هي كمان بقا ليها للأسف سوق سودا والتجار بيبيعوا بأسعار على مزاجهم وغير المعلنة من الشركات المصنعة.
والحملات دي بتحصل قبل ساعات من صدور قرار متوقع بتخفيض قيمة الجنيه للمرة الرابعة فى اقل من سنتين فى اطار اتفاق مع صندوق النقد بيتضمن زيادة قيمة قرض ال 3 مليار دولار ورفعه غالى 6 مليار دولار
وشنت الأجهزة المعنية فى الساعات الأخيرة حملات ومداهمات على تجار العملة في السوق السودا اللى تسببوا بمضارباتهم في رفع سعر الدولار لأرقام غير مسبوقة بسبب اخفاء العملات عن التداول والتجارة فيها وتداولها بشكل غير قانوني خارج نطاق السوق المصرفية.
وتمكنت الأجهزة من ضبط 38 متهم شغالين لصالح حيتان كبار في السوق وظبطت معاهم مئات الآلاف من العملات الأجنبية المختلفة تمهيدا لبيعها بأسعار قياسية في السوق السودا
وبتجري الأجهزة تحقيقات مع المتهمين لمعرفة المتعاملين معهم من التجار ورجال الأعمال الكبار المسيطرين على السوق والمتحكمين في تحديد الأسعار، تمهيدا لملاحقتهم وإحالتهم إلى المحاكمة زي ما حصل مع مافيا وحيتان سوق الدهب.
ومن ايام ألقت أجهزة الأمن القبض على تاجرين في محافظة القاهرة لقيامهم بمحاولة غسل أموال تقدر بملايين الجنيهات تم تحصيلها من الاتجار بالنقد الأجنبي خارج نطاق السوق الرسمية ومحاولة إخفاء مصدر الأموال وصبغها بالصبغة الشرعية وإظهارها وكأنها ناتجة عن كيانات مشروعة عن طريق شراء الوحدات السكنية والسيارات وتأسيس الشركات.
وشنت الأجهزة حملات تانية على مافيا التبغ والسجائر اللي بيخفوا السجاير عن المستهلكين وبيخنوها ويرفضوا بيعها لتعطيش السوق و رفع الأسعار زي ما يحبوا. . وتم ضبط 55 ألف عبوة سجاير مهربة ومجهولة المصدر بالإسكندرية وأكدت معلومات وتحريات الإدارة العامة لشرطة التموين والتجارة بمشاركة مديرية أمن الإسكندرية قيام أحد التجار الكبار بيمتلك مخزنين كبار بمنطقة المنتزه بتخزين كميات من السجائر مختلفة الأنواع،وامتناعه عن بيعها بقصد حجبها عن التداول بالأسواق لتخفيض المعروض منها ورفع أسعارها بقصد تحقيق أرباح غير مشروعة.
وخد بالك الحكومة قدمت قانون لمجلس النواب من أيام وتم إقراره بيسمح بإحالة المتورطين في ارتكاب جرائم إخفاء سلع إستراتيجية أو افتعال أزمات تتعلق بحجب السلع الأساسية إلى المحكمة العسكرية.. يعنى الموضوع مش هزار واللى هيتمسك بيعمل حاجة من الحاجات دي هيواجه عقوبات مشددة ومحدش هيرحمه
