الحكومة للمواطن.. انتظروا أخبار سارة خلال أيام

ليه متحدث الحكومة طلع من كام ساعة وقال أسامة أخبار سارة.. وايه هي الاخبار السارة  علاقتها بالدولار وارتفاع الأسعار.. تعالوا نشوف إيه الحكاية.
 

 
المصريين صاحين نايمين بيحلموا بالدولار والاسعار والاخبار السلبية والغلاء وحاجات كتير عكننت عليهم حياتهم بالبلدي كده لكن مفيش أزمات بتدوم للابد ولا رخاء بيستمر وأزمة الدولار لو دورنا على أصلها هتلاقي إنها اصلا أزمة مستوردة بدليل مكانش موجودة قبل 2020 وكانت الدولة ماشية زي الفل لكن اللي حصل في كورونا وبعدها الحرب الروسية الأوكرانية وختمت بحرب غزة خلي الأزمة ظهرت في مصر عشان سببين الأول خروج مليارا ت الدولارات الساخنة من مصر أو السوق في ظرف ايام وبالمقابل وفي نفس الوقت ارتفعت أسعار السلع العالمية كلها بسبب تكليف النقل ومخاطر الملاحة الدولية والأحداث في العالم كله ومنطقتنا بالذات.

ومهما كانت الدايرة سودا من بعيد كل ما تقرب منها هتلاقي إن فيه زوايا كتير منورة البلد وان الوضع مش سيء بالدرجة اللي الناس بتتكلم عنه...المهم نرجع لموضوعنا..المتحدث باسم مجلس الوزراء المصري، المستشار محمد الحمصاني، طلع زي ما قلنا من ساعات وقال إن فيه مفاوضات شغالة دلوقتي على جدول زمني جديد يتم بمقتضاه متابعة تنفيذ البرنامج مع صندوق النقد الدولي.

ولما اتسأل عن أزمة الدولار قال ان الدولة هتقدر توفر تدفقات دولارية كبيرة خلال أسابيع قليلة لتمويل عجز العملة الصعبة لضبط السوق. وقال  "الحمصاني" أن زيارة بعثة صندوق النقد الدولي لمصر ما زالت مستمرة، وملمشاورات جارية، وإن شاء الله نأمل خير في هذا الإطار، وسيتم إعلان أخبار سارة وإيجابية في هذا الصدد.. وبكده يخلص المتحدث الرسمي للحكومه من غير ما يقولنا هيجيب دولارات منين وهيوفرها ازاي خلال أيام.. وطبعا دا راجل مسؤول في منصب مهم جدا وهو لسان حال الحكومة ومتحدثها الإعلامي ومفيش كلمة بيقولها غير بتعليمات مشددة وعشان كده مرديش يقول ازاي الدولة هتقدر توفر دولارات خلال الأيام الجاية وهل البنك المركزي اصلا جمع دولارات ولا لسه وايه مصير التعويم وهل فعلا الحكومة خدت القرار وناقص رتوش بسيطة ويتم الاعلان الرسمي عن اتفاق صندوق النقد الدولي وحجم وقيمة القرض