مش محتاج تستلف.. تفاصيل القروض السريعة من البنوك
كلنا معرضين اننا نقع في ظروف صعبة في حياتنا واحيانا بنلاقي اللي يد ايده لينا، واحيانا ثانية العكس، بس الاكيد اننا في كل الاحوال مش هنلاقي اللي يكون معانا طوال الوقت وفي اللحظة اللي نحتاجه فيها، انا دلوقتي هقولك علي الحل اللي هيكون دراعك اليمين في اي لحظة تحتاجه فيها وتقدر تستلف منه المبلغ اللي انت عايزه وقتي .
الطبيعي اننا نقابل في حياتنا ظروف تكون محتاجة فلوس وده غالبا مش هيكون متاح بالنسبة للاغلبية مننا، وبيضطر يدور علي اي حاجة يسلفه فلوس يمشي بيها حياته او يقضي بيه مصلحته وفي اوقات بنلاقي اللي يسلفنا واحيانا ثانية لا، بس انت من اللحظة دي مش هتحتاج تسلف ثاني علشان انا دلوقتي هقول علي اللي يسلفك في دقائق معدودة.
دلوقتي اكيد بتقول الحقني بالحل ده بسرعة.
في بنوك كثير دلوقتي حاليا بتقدم تسهيلات مصرفية لحصول العملاء علي قروض سريعة وبشكل فوري، والبداية هتكون معانا من بنك مصر اللي اعلن عن تفاصيل القرض السريع وهو قرض بيمنح للعملاء سواء كانوا موظفين حكومة أو قطاع خاص بشرط تحويل رواتبهم للبنك.
الوقت اللازم للقرض السريع من بنك مصر بأقل مصروفات إدارية وأعلى نسبة إقراض بتوصل الي 90% من قيمة الوعاء الادخاري، وبيحتاج العميل ساعتين بس علشان ياخذه، ويبيدأ من 10 لي نصف مليون جنيها، بشرط ان يكون سن العميل مزيدش عن 60 عامًا وقت سداد آخر قسط من القرض.
اما عن الاوراق المطلوبة اللي بيحتاجها العميل علشان يحصل علي القرض السريع فهيا صورة من بطاقة الرقم القومي السارية وكشف حساب بنكي وإيصال مرافق حديث.
ومن بنك مصر بنروح معاكم لبنك QNB الأهلي اللي اعلن عن منح قروض «إكسبرس» بأسهل وأبسط الإجراءات وعلي فترة سداد 48 شهر، بشرط اقرار العملاء بتحويل رواتبهم وبيبدأ من 5 آلاف جنيه ولحد 100 ألف جنيه.
بنك QNB الأهلي اشترط يكون سن العملاء لتقديم قرض اكسبرس ان يكون سنهم لا يقل عن 21 عامًا ولا يزيد عن 60 مع دفع اخر قسط، ويكون صافي الدخل لا يقل عن 1500 جنيه، ويكون معاه صورة بطاقة الرقم القومي وفاتورة الكهرباء وجواب إثبات الدخل من الموارد البشرية.
