مصر تقتحم عالم تكنولوجيا المعلومات بمشروع عالمي بين آسيا وأوروبا

ايه حكايه المشروع المعجزة اللي بتعمله مصر واعلنت عنه النهاردة وايه علاقة بدول المنطقة وآسيا وأوروبا وإزاي مصر دخلت العالم الجديد في تكنولوجيا عالمية كانت قاصرة على الدول المتقدمة.. كل ده هنعرفه في الفيديو خليكم معانا بعد الفاصل.

 
النهاردة يوم تاريخي في مصر بعد ما كشفت عن عن مشروع ضخم لإنشاء ممر رقمي بحري يربط بين البحر  المتوسط وبحر العرب ومنطقة الخليج العربي، عشان يكون مسار غير مسبوق لنقل البيانات بين قارتي آسيا وأوروبا. والمشروع بحسب خبراء تكنولوجيا المعلومات والاتصالات نقلة وقفزة مصريه غير مسبوقة في العالم الرقمي وتكنولوجيا العالم المتقدم.

المشروع هتعمله الشركة المصرية للاتصالات بالتعاون مع شركة زين-عُمانتل الدولية (ZOI).
وحسب المعلومات أعمال البنية التحتية المبتكرة للممر الرقمي الجديد هتمتد من سواحل سلطنة عُمان المطلة على بحر العرب والخليج العربي لغاية ساحل البحر الأبيض المتوسط بمصر، من خلال مزيج متطور من المسارات الأرضية والبحرية باستخدام عدد كبير من الألياف الضوئية.
المشروع الضخم هيربط مباشرة بين السعودية ومصر من خلال كابل بحري تحت البحر الأحمر، وبيتميز بسعات عالية وبيستخدم عدد كبير من الألياف الضوئية وقصر المسافة وتم تصميم الممر الرقمي لتقديم حلول مبتكرة لشركاء وعملاء المصرية للاتصالات وزين-عُمانتل الدولية  بطريقة مباشرة بين نقاط الإنزال من بحر العرب إلى البحر المتوسط، ضمن  خطط التوسع في البنية التحتية للشركة العمانية واللي هتشمل  مناطق متعددة بما في فيها الكويت، والبحرين، والعراق، والأردن، وده من خلال الشبكة الدولية والتعاون مع الشركات المرخصة لإنزال الكابلات البحرية في كل دولة.

المشروع العملاق بيضع مصر مع الكبار أصحاب الكابلات البحرية والمنافسة مع الدول المتقدمة لانه مشروع بتكلفة أقل وبيختصر زمن نقل البيانات والمرونة، وتسريع عمليات التشغيل بصورة أكبر من خلال الربط بالممر المفتوح.
الشركة المصرية للاتصالات مسؤولة عن تطوير بنية تحتية جديدة ، تربط البحرين الأحمر والأبيض المتوسط بالقارة الأوروبية، وبتتكامل مع البنية التحتية لشركة زين-عُمانتل الدولية في مناطق كتير عبر الشرق الأوسط

ميزة ممر الشبكة الجديد إن مساراته أقصر وزمن استجابة أسرع لوصول البيانات، وده بيخليه أفضل الخيارات للعبور من المحيط الهندي إلى أوروبا أمام مشغلي الكابلات البحرية ومقدمي المحتوى وشركات الاتصالات في المنطقة والعالم. دا غير إن المشروع هيكون  نقطة تحول في مجال الربط الدولي بين آسيا وأوروبا وكمان الممر الرقمي المميز هيخلق ثورة في مجال اتصالات الجملة المتكاملة.
من ناحية تانية المشروع ثمرة لعملية بيع جزء من الشركة لمستثمر رئيسي واللي ضخ ملايين الدولارات لتطوير وتوسيع نشاط المصرية للاتصالات ودا الهدف من برنامج الطروحات الحكومية وبيع حصص في الشركات وهو التطوير والتوسعة واستيعاب تكنولوجيا متطورة جديدة وعمالة اكتر ومش زي اللي بيتروج إن الدولة بتبيع الشركات الناجحة.