عام الأزمة.. البنك المركزي في مواجهة مافيا الدولار
يا ترى ايه الاجراءات اللى خدها البنك المركزي في 2023 لمواجهة غول التضخم؟ وايه القرارات اللى عملها صناع السياسة النقدية فى مصر للسيطرة على ارتفاع الأسعار؟ وليه كل الجهود للسيطرة على سعر الدولار فى السوق السودا ما نجحتش ؟ وايه الوضع في 2024 ؟ وهل مصر ممكن تحصل على باقي شرايح قرض ال 3 مليار دولار ولا الخلافات مع صندوق النقد رجعت تاني؟ والأهم امتى ممكن نقضي على السوق السودا للدولار؟
في إطار ترويض التضخم المرتفع وخلال 7 اجتماعات للجنة السياسة النقدية بالبنك المركزي المصري في 2023 قررت اللجنة رفع أسعار الفائدة مرتين فقط فيما أقرت التثبيت خلال 5 اجتماعات.
ومن الربع الأول من 2022 وبعدما تم الإعلان عن تخارج أكتر من 20 مليار دولار من الأموال الساخنة واجهت مصر أزمة شح الدولار وده اتسبب في اتجاه الحكومة إلى أكتر من إجراء لوقف جنون أسعار السلع والخدمات الناجم عن الارتفاع الكبير في أسعار صرف الدولار مقابل الجنيه .
وخلال الاجتماع اللي عقده البنك المركزي المصري في بداية فبراير قررت لجنة السياسة النقدية تثبيت سعر الفائدة عند 16.25% على الإيداع و17.25% على الإقراض.. وفي اجتماع نهاية مارس قررت رفع سعر الفائدة 2% إلى 18.25% على الإيداع و19.25% على الإقراض.
وفي اجتماع مايو ثبتت اللجنة سعر الفائدة عند 18.25% على الإيداع و19.25% على الإقراض. كما قررت تثبيتها عند نفس المستويات في اجتماع 22 يونيو.
لكن فى اجتماع 3 أغسطس قررت اللجنة رفع سعر الفائدة 1% إلى 19.25% على الإيداع و20.25% على الإقراض. وخلال اجتماع 21 سبتمبرو2 نوفمبر ثبتت أسعار الفائدة عند نفس المستويات.
وعلى صعيد التضخم وفي بداية 2023 سجل الرقم القياسي العام لأسعار المستهلكين للحضر، اللي أعلنه الجهاز المركزي للتعبئة العامة والإحصاء، معدل شهري بلغ 4.7% في يناير 2023 مقابل معدل بلغ 0.9% في نفس الشهر من 2022 ومعدل شهري بلغ 2.1% في ديسمبر 2022.. وسجل المعدل السنوي للتضخم العام 25.8% في يناير2023 مقابل 21.3% في ديسمبر2022.
فيما سجل الرقم القياسي الأساسي لأسعار المستهلكين، المعد من قبل البنك المركزي، معدل شهري بلغ 6.3% في يناير/كانون الثاني 2023 مقابل معدل شهري بلغ 0.8% في نفس الشهر من العام السابق ومعدل شهري بلغ 2.6% في ديسمبر 2022. وسجل المعدل السنوي للتضخم الأساسي 31.2% في يناير2023 مقابل 24.4% في ديسمبر2022.
وفي نهاية العام أشارت بيانات البنك المركزي إلى استقرار معدل التضخم الأساسي عند مستوى 35.9% على أساس سنوي في نوفمبرمن 38.1% في أكتوبر.
ده عن التضخم.. طب ليه أزمة نقص الدولار لسه مكملة واسعاره فى السوق السودا بتزيد؟
البنك المركزي بذل جهود كبيرة للسيطرة على الفوضى الموجودة فى سوق صرف العملات لكن للأسف استمرار ازمة نقص العملة الأجنبية وشح الدولار كان ليهم دور كبير فى استمرار الفوضى اللى بتحصل فى السوق الموازية للعملات بالاضافة الى بعض الالأعيب من تجار العملة والمضاربين اللى خلوا سعر العملة الأمريكية يوصل لمستويات قياسية محصلتش أبدا قبل كده
طب وايه موقف قرض الصندوق؟
المفروض خلال الأيام الجاية توصل مصر بعثة الصندوق لاجراء المراجعة الاولى والتانية لقرض ال 3 مليار دولار وبعدها ممصر تصرف باقي شرايح القرض وفيه كلام قوي جدا عن مضاعفة قيمة القرض وحصول مصر على 6 مليار دولار بدل ال 3 اللى تم الاتفاق عليهم مع الصندوق فى ديمبر 2022.
