شوف الذهب هيوصل لـ5 آلاف جنيه امتى في مصر
اسعار الذهب في مصر بقت نار، وخلاص الذهب دخل على 5 آلاف جنيه، ومتوقع كمان ارتفاع تاني في الايام اللي جاية.. ياتري اية اسباب الارتفاع الغير طبيعي في أسعار الذهب.. وامتي الأسعار هترجع تنخفض تاني.
مع نهاية 2024 اسعار الذهب في مصر أخذت منحنى الارتفاع والأسعار بتتغير في اليوم اكثر من مرة وفي الغالب التغير جه بيكون للارتفاع، حتي لو حصل انخفاض بيكون لساعات معدودة، وبعدها الذهب بيرجع يكمل تاني ارتفاع، ومن بداية 2025 ولحد نهاية شهر مارس اللي فات اسعار الذهب عيار 21 واللي هو الاكثر مبيعا في مصر والمحافظات كسبت أكثر من 500 جنية، وطبعا فضل السؤال اللي مش كتير عارفين اجابته ليه أسعار الذهب ارتفعت بالطريقة دي.
السؤال ده جاوبت عليه شعبة الذهب واللي قات ان الارتفاع الكبير في اسعار الذهب في مصر سببه التاثر بالسعر العالمي واللي مسجل ارتفاعات كبيرة علي خلفية الحرب التجارية اللي موجودة دلوقتي بين اكبر قوتين اقتصاديتن في العالم وهيا الولايات المتحدة الأمريكية والصين، وده بسبب القرارت الأخيرة اللي اقرها الرئيس الأمريكي دونالد ترامب، واللي فرض بيها رسوم جمركية علي الواردات الخارجية للسوق الأمريكي، واللي كان لها تاثير كبير في ارتفاع اسعار انواع كتيرة من السلع وبالتالي اثرت علي البورصة العالمية.
الارتفاع الكبير اللي حصل لاسعار السلع كان له انعكاس مباشر علي اسعار الطاقة والوقود واللي شهدوا هما كمان ارتفاع كبير، وده انعكس علي الذهب، واللي هيا مسجل ارتفاعات لاول مرة تحصل في التاريخ، وده دفع عدد كبير من البنوك المركزية في عدد كبير من دول العالم لتحويل أرصدتها لذهب خصوصا أن ملاذ أمن ومش بياثر بالقيود ولا التوترات الجوسياسية واللي بقت موجودة ومنتشر بين عدد كبير من دول العالم في وقتا الحالي.
طيب اية اللي حصل في اسعار الذهب في الوقت اللي جاي؟.
كل التوقعات حاليا بتقول ان اسعار الذهب في مصر هتكمل ارتفاع في الفترة اللي جاية وده بسبب التاثير بالسعر العالمي، ده غير أن مصر في انتظار قرارات مهمة للجنة تسعير المواد البترولية واللي بصدد عقد اجتماعها الأول في 2025 واللي هتصدر فيه التسعير الجديد للمواد البترولية في مصر واللي هيا في الاكيد زيادة اسعار البنزين والسولار، وبالتالي الزيادة دي متوقع أنها يكون لها تاثير برضوا علي اسعار الذهب في مصر، خصوصا أن زيادة اسعار المحروقات والمواد البترولية بيكون لها انعكاس مباشر علي كل الاسعار في مصر.
اسعار الذهب في مصر لعيار 21 واللي هو الاكثر مبيعا وانتشارا في مصر مرشحة للوصول لـ5 الاف جنية خلال وقت قريب قوي، خصوصا أن الاسعار ده قرب تلامس 4500 جنية، ولسه مرشحة للزيادة في الأوقات اللي جاية وده بسبب استمرار حده التوترات الاقتصادية والجيوسياسية الموجودة بين الدول.
