إعادة اكتشاف الجنيه في 2024.. أدوات القوة في العملة والاقتصاد

الاقتصاد المصري رايح فين سنة 2024.. ونسند الجنيه ولا خلينا في الدولار.. وإيه اللي خوف وإيه اللي يفرح في الأيام الجاية.. تعالوا نشوف إيه اللي ممكن يحصلنا في السنة الجديدة واللي هتبدأ بكرة..

كلنا عايشين في المشاكل على مدا ر سنة كاملة بدأت في فبراير اللي فات مع الحرب الروسية الأوكرانية وبعدها العالم حاله انقلب في الأسعار والتجارة والتضخم وجنون الدولار ومصر واجهت تحديات خطيرة جداً الحقيقة في 2023، وتعرضت لصدمات قوية، من خروج أموال، وقلة استثمارات، وتأثر واردات دولارية، وسوق سودا ومضاربين وتهريب دولار ودهب وغيرها وغيرها، دا غير اللي بيحصل حولينا في غزة وليبيا والسودان ولسه أزمة روسيا بتزيد كمان وغير الكلام عن عودة كورونا يتمحور جديد.

وواضح كده إن الأزمات والحروق  هي نفسها هتستمر في السنة الجديدة 2024، ، وعشان كده بتوع الاقتصاد شايفين إن الحكومة مطالبة بالعمل على رفع قيمة الجنيه المصري أكتر من حرصها على جذب الموارد الدولارية، يعني ايه.. يعني ببساطة كده احنا بنجري ورا الدولار ونسيين الجنيه نفسه واللي لو تمت مساندته.. هتقولي ازاي بردو.. باختصار كده الحكومة كانت مهتمة  بزيادة مواردها من العملات الأجنبية خلال 2023 لكن الأهم خلال 2024 انهاةتشتغل على تقوية الجنيه ودا من خلال تشجيع المصريين على حيازته، وفتح أفق استثمار ليهم وابتكار منتجات استثمارية أكتر ربحية للجنيه بحيث يكون حائزي الجنيه المصري يحصلون على أرباح أكتر من حائزي العملات الأجنبية ودل هيخلق حالة من التنازلات عن العملات الأجنبية وخفض استخدام الدولار كوعاء ادخاري.

وكمان خبراء الاقتصاد شايفين إن الاقتصاد المصري وبعد مرور سنة 2023 بما فيه من صعوبات وتحديات لسه بينتظره سنة مليئًة بردوا بالتحديات خلال 2024،  لكن لسه عنده كتير من الأوراق القوية اللي تخليه يتعامل مع كل التحديات وكتير من الخبراء شايفين بردوا انه من المهم خلال 2024 إعادة اكتشاف الداخل، والقدرات الكامنه به، والعمل على امتصاص التضخم بحلول محلية يتم فيها تنشيط استخدام العملة المحلية في الأسواق، وإن الضمانة الأساسية لاحتواء التضخم هو تقوية الجنيه، واللي من وجهة نظرهم  أهم من زيادة موارد الدولة من العملات الأجنبية.

كمان لازم الاقتصاد المصري عشان يواجه التحديات إنه يستغل الفرص وإنه إذا اتعامل مع التحديات بأفكار مبتكرة وكمان الاقتصاد المصري محتاج دماء جديدة في الإدارة الاقتصادية تساعد على تحسين جودة العمل، ومزيد من تنفيذ السياسات الاقتصادية بصورة تستبق بها الادارة الاقتصادية للنشاط الاقتصادي ودي نقطة سبق واتكلمنا عليها هنا في بانكير كتير جدا والدم الجديد يعني فكر جديد.