4.5 مليار دور هدية لمصر من الاتحاد الاوربي.. يا ترى ايه الحكاية
من فترة كده الاتحاد الاوربي كان أعلن عن دعم مصر بمبلغ حوالى 10 مليار دولار من أجل توسيع التعاون مع مصر فى عدد من الملفات المهمة منها الهجرة غير الشرعية والمشروعات التنموية اللى ليها علاقة بالبيئة.. ومن وقتها ولاناس بتسأل فين الفلوس دي ؟ وليه الاتحاد الاوربي مبعتش المبالغ اللى اعلن عنها لمصر عشان تقدر تفك زنقتها خصوصا فى ظل أزمة شح العملات الأجنبية اللى بتعانى منها الحكومة من مارس 2022 ولحد دلوقتي؟.. فهل وصلت أموال الاتحاد الاوربي لمصر ؟ ولو وصلت تم استخدامها فى ايه؟
بدأ الاتحاد الأوروبي مؤخرا تنفيذ خطة استثمارية تهدف لمد مصر ب 9 مليار يورو لمساعدة الحكومة في دعم التنمية الاقتصادية في المجالات الاقتصادية المختلفة وكمان معالجة التداعيات المتزايدة الناجمة عن الصراع في المنطقة وتحديدا من بعد بدء العدوان الاسرائيلي على غزة .
وأعلن سفير الاتحاد الأوروبي لدى مصر كريستيان برجر إن برنامج الدعم الاقتصادي لمصر لمواجهة التحديات الاقتصادية اللى بتتعرض ليها مصر نتيجة ملف الهجرة أو الصراع في المنطقة بلغ في البداية نحو مليار يورو تم الاتفاق عليه خلال السنة اللى فاتت واللى بدوره هيخلق استثمارات في هتصل إلى 9 مليار يورو.
وتم بالفعل انفاق حوالى نص المبلغ ده 4.5 مليار يورو تقريبا في عدد من القطاعات الاقتصادية زي تمويل البنوك وتمويل عدد من المشروعات الاستثمارية.
ولسه فيه مناقشات مستمرة مع الحكومة المصرية حول تقديم مزيد من الدعم لمصر يشمل قروض ومنح وخطوط ائتمان في المجالات الاقتصادية الاجتماعية المختلفة اللي بتحتاج مزيد من الدعم لاستكمال البرنامج التمويلي ووفقا للمعلومات المتاحة من الصعب حاليا تحديد حجم التمويل اللى هيقدم لدعم مصر لمساعدة الدولة في التعامل مع المشكلات الاقتصادية الناجمة عن الصراع في غزة.. وسط تأكيد من الاتحاد الأوروبي لرفض تهجير الفلسطينيين من أراضيهم قسريا.
وخلونا نقول لحضراتكم ان العالم كله عرف قيمة ومكانة مصر من بعد يوم 7 اكتوبر والكل أدرك أهمية الدور اللى بتلعبوا القاهرة فى حفظ الأمن والآمان فى منطقة الشرق الأوسط ومن بعد العدوان الاسرائيلي على غزة زار مصر فى الشهر والنص الأخير عدد كبير جدا من القادة السياسيين فى اوروبا واسيا وامريكا وكلهم عرفوا مدى الثل اللى بتتمتع بيه مصر فى ملف القضية الفلسطينية وفى ملف الصراع العربي الاسرائيلي وازاى ان القاهرة هي رمانة الميزان ووسيط شريف فى كل المفاوضات اللى بتتم بين اسرائيل والفصائل الفلسطينية وعشان كده هتلاحظ ان الموقف الغربي والاوربي تجاه مصر اتغير تماما خصوصا فيما يتعلق بالامور الاقتصادية وبدأنا نسمع عن خطط وبرامج تمويل هيتم تخصيصها للحكومة المصرية وكان أهمها طبعا قرار الاتحاد الاوربي بمنح مصر 10 مليار دولار.
وبعتبر مصر ركيزة إقليمية مهمة وبتعمل بالفعل بشكل وثيق مع الاتحاد الاوربي في إدارة ملف الهجرة غير الشرعية وبيولى الاتحاد مصر أهمية كبيرة جدا وبيسعى بكل الطرق للحفاظ على استقرارها ودعم الحكومة لفرض مزيد من الانضباط ومنع محاولات الهجرة غير الشرعية الى دول اوربا
