لو معاك دهب نام عليه.. هتبقي مليونير

لو معاك دهب مهما كان وزنه نام عليه ومتبعش دولوقتي .. دي وصية خبراء السوق عشان لسه سعره هيرفع وممكن الجرام يوصل 4 الاف جنيه قريب جدا، ولو معاك فلوس وتقدر تشتري دهب دلوقتي اِشتري وانت مطمن حتى لو سعره غالي إنت الكسبان في كل الأحوال لأن الجرام دلوقتي عامل 3 الاف جنيه يعني هتكسب ألف جنيه في الجرام الواحد لو سعره وصل 4 الاف.

طيب ممكن تسأل وتقولي انت عرفت منين ان الدهب لسه هيرفع هقول لحضرتك دا كلام السوق وتجار الصاغة والظروف الدولية وأسعار الدهب بره وسعر الدولار في السوق السودا وحالة الطلب الكبيرة اللي على الدهب دلوقتي يعني كل الظروف بتقول إنه هيزيد في الفترة الجاية.

وانت رايح تشتري دهب خد معاك حد خبير وفاهم لأنه بسبب ارتفاع الأسعار ظهرت حوادث غش كتير في الدهب وفيه تجار عديمي الضمير بيزودوه نحاس عشان يستفادوا من الأسعار فلازم تخلي بالك وكمان بعد ما تشتري تابع السوق وشوف الأسعار رايحة فين، لان لو معاك كمية هتبقي مليونير في الأيام الجاية.