لأول مرة.. صندوق النقد الدولي يعلن عن تفاصيل الاتفاق الجديد مع مصر

مصر وصندوق النقد الدولي كان مسلسل سنة 2023 وملف مليان إثارة ومفاوضات وجذب وشد وصراع كمان، ووصلنا لمرحلة التهديد لكن على مين دي مصر ورئيسها أسمه عبد الفتاح السيسي
تحرير سعر الجنيه كان الأزمة الحقيقية بين الصندوق والحكومة المصرية وكان فيه كلام لغاية الرئيس السيسسي ماحسم القضة وقال مفيش تعويم دلوقتي.
مرت الأيام ومصر قدرت توفر الدولار وتسدد ديونها وتفرج على بضايع الجمارك وكمان احتياطي المركزي عندها بيزيد، عرف الصندوق إنه قرب يخسر أهم زبون في المنطقة.
بعد النجاح الاقتصادي قرر الصندوق يغير معاملته مع مصر ودا حصل لقاء مديرة الصندوق كريستالينا جورجيفا مع الرئيس السيسي في دبي وكان كلامها بعد الاجتماع شبه اعتذار لمصر على تعنت الصندوق الفترة اللي فاتت وقالت اللي جاي هيكون مختلف تماما وهيكون فيه دعم.

الجديد إن المتحدثة باسم الصندوق، جولي كوزاك، طلعت من شوية في مؤتمر صحفي، وقالت إن الصندوق بيجري محادثات مع الحكومة المصرية بخصوص تقديم تمويل إضافي في إطار البرنامج الحالي، يعني مش بس هيصرفوا الـ3 مليار القرض القديك كمان القرض هيزيد، ومن غير التطرق لا من قريب ولا من بعيد عن تعويم الجنيه مع الحكومة المصرية.