الذهب يسجل أعلى سعر فى التاريخ.. إيه اللى هيحصل الأيام الجاية؟

يا ترى ايه اللى بيحصل فى سوق الهب عالميا ؟وليه اسعار المعدن الأصفروصلت الى أعلى مستوى فى التاريخ؟ وايه توقعات السعار الفترة الجاية ؟ وايه تأثير صعود الدهب عالميا على السوق المحلية فى مصر؟ ومين أكتر حد متضرر من صعود الدهب بسرعة الصاروخ؟ وايه علاقة جنون المهدن النفيس باللى بيحصل فى غزة واوكرانيا ودول تانية كتيرة؟ 
 

 
أسعار الذهب النهاردة سجلت رقم قياسي جديد هو الأعلى فى التاريخ لليوم التانى على التوالي ولامست الأسعار الفورية 2100 دولار فى السوق العالمي وسط توقعات بمزيد من الارتفاعات الأيام الجاية مع استمرار القلق والاضطرابات فى عدد من مناطق العالم الساخنة ومن بينها الحرب الاسرائيلية على قطاع غزة ومخاوف توسيعنطاق الحرب ودخول دول تانية فى المعركة. 
وأكد عدد من المحللين إن أسعار الذهب في طريقها للوصول لمستويات مرتفعة جديدة فى 2024 ووفقا لتوقعاتهم ممكن تفضل الأسعار فوق مستويات 2000 دولار بسبب عدم اليقين الجيوسياسي والضعف المحتمل للدولار والتخفيضات المحتملة في أسعار الفائدة مع اتجاه الفيدرالى الأمريكي لتخفيف سياسته التشددية فى التعامل مع التضخم 
وارتفعت أسعار الدهب فى آخر  شهرين مع تعزيز العدوان الإسرائيلي على غزة للطلب على أصول الملاذ الآمن في نفس الوقت اللى قدمت فيه توقعات خفض أسعار الفائدة المزيد من الدعم للدهب اللى بيميل عادة إلى الأداء الجيد خلال فترات عدم اليقين الاقتصادي والجيوسياسي بسبب مكانته كمخزن موثوق للقيمة.. وملاذ آمن وقت الصراعات والقلق السياسي . 
ووفقاً لدراسة حديثة أجراها مجلس الذهب العالمي، فإن 24% من جميع البنوك المركزية تعتزم زيادة احتياطياتها من الذهب في الأشهر الـ 12 المقبلة مع تزايد تشاؤمها بشأن الدولار كأصل احتياطي
طب ايه تأثير ده على اسعار الدهب فى مصر؟ 
طبعا السعر العالمي ليه تاثير على سوق الدهب فى مصر.. بسخلاص احنا بقينا عارفين سوق الدهب عندنا سابق السوق العالمي وسعر الدهب أصلا مقيم على سعر الدولار فى السوق السودا وعشان كده فيه فرق كبير جدا فى الاسعار بين السوق المحلى والسعر عالميا 
وحاليا الدهب فى مصر وصل الى مستوى 2790 جنيه لجرام عيار 21 الأكثر انتشارا فى مصر