بعد الـ 10 مليار دولار.. هدية جديدة لمصر من الاتحاد الاوروبي

 
في الايام اللى فاتت الاتحاد الاوربي أعلن عن تخصيص 10 مليار دولار لمصر ضمن خطط الاتحاد لتعميق علاقاته مع القاهرة والتعاون مع الحكومة المصرية فى ملفات مهمة منها الطاقة والهجرة غيثر الشرعية وكمان المشروعات البيئية.. وطبعا رقم كبير زي الـ 10 مليار دولار اللى هيمنحهم الاتحاد لمصر هيكون ليهم دور مهم فى فك أزمة شح الدولار اللى بتعانى منها مصر من الربع الول من 2022 ولحد دلوقتي.. اللافت ان مفتش غير كام يوم وأعلن الاتحاد الاوربي عن هدية جديدة لمصر.. فيا ترى ايه هي الهدية دي ؟ وازاى هتساعد مصر فى عبور ازمتها الاقتصادية؟ 
 

العالم كله عرف قيمة ومكانة مصر من بعد يوم 7 اكتوبر والكل أدرك أهمية الدور اللى بتلعبوا القاهرة فى حفظ الأمن والآمان فى منطقة الشرق الأوسط ومن بعد العدوان الاسرائيلي على غزة زار مصر فى الشهر والنص الأخير عدد كبير جدا من القادة السياسيين فى اوروبا واسيا وامريكا وكلهم عرفوا مدى الثل اللى بتتمتع بيه مصر فى ملف القضية الفلسطينية وفى ملف الصراع العربي الاسرائيلي وازاى ان القاهرة هي رمانة الميزان ووسيط شريف فى كل المفاوضات اللى بتتم بين اسرائيل والفصائل الفلسطينية وعشان كده هتلاحظ ان الموقف الغربي والاوربي تجاه مصر اتغير تماما خصوصا فيما يتعلق بالامور الاقتصادية وبدأنا نسمع عن خطط وبرامج تمويل هيتم تخصيصها للحكومة المصرية وكان أهمها طبعا قرار الاتحاد الاوربي بمنح مصر 10 مليار دولار. 
وامبارح كريستيان برجر سفير الاتحاد الأوروبي لدى مصر زف بشرى سارة للمصريين وأكد ان فيه مناقشات بتتم بشأن جدولة ديون مصر وإعادة النظر في أعباء ديون الاتحاد الأوروبي لدى مصر وان المناقشات دي ممكن تنتهى قريب جدا بشكل يحقق الاستفادة لمصر ويرفع عن كاهل الحكومة عبء الديون المتراكمة بقالها سنين طويلة 
سفير الاتحاد الأوروبي قال ان قابل الرئيس السيسي وكان فيه مناقشات حول الاتفاق بشأن الخطوات اللازمة لفتح ملف ديون مصر لدول اوربا وازاى ممكن يتم حل الملف ده بشكل يساعد الحكومة المصرية على حل أزمة الفجوة التمويلية.. وأكد ان الاتحاد الاوروبي عارف كويس جدا العبء اللي بيثقل كاهل مصر بسبب الديون وان فيه أفكار كتيرة  لتقليل آثارها وتداعياتها وهيكون للاتحاد الأوروبي طرق فعالة لتقليل أضرار الديون علي مصر.
وبعتبر مصر ركيزة إقليمية مهمة وبتعمل بالفعل بشكل وثيق مع الاتحاد الاوربي في إدارة ملف  الهجرة غير الشرعية وبيولى الاتحاد مصر أهمية كبيرة جدا وبيسعى بكل الطرق للحفاظ على استقرارها ودعم الحكومة لفرض مزيد من الانضباط ومنع محاولات الهجرة غير الشرعية الى دول اوربا