فيه عظمة بتحصل في طربول..قصة عاصمة صناعة السيارات في مصر والشرق الأوسط
ايه اللي بيحصل في مدينة طربول الصناعية وايه حكاية مصانع السيارات الجديدة وليه الشركات العالمية في صناعة السيارات بتتسابق عشان تعمل مصانع هناك وازاي مصر هتبقي مركز صناعة السيارات بعد اووربا وامريكا واليابان وكوريا
في البداية لو ما سمعتش عن طربول فهي حضرتك مدينه بتتميز بموقعها الاستراتيجي وبتمتد على مساحه 109 مليون متر مربع في جبل طربول في الجيزة وتبعد عن نهر النيل مسافة 5 كيلو متر فقط وحوالي 77 كيلو متر عن مدينة أكتوبر وحوالي 44 كيلو متر عن حي حلوان و83 كيلو متر عن العاصمة الإدارية الجديدة و160 كيلو متر عن البحر الأحمر و 109 كيلو متر عن ميناء العين السخنة،. و مقرر تحتضن 13 ألف مصنع باستثمارات تبلغ 13 مليار يورو.
ودي زي ما تقول كده زي العاصمة الإدارية الجديدة لكن عاصمة للصناعات في كل المجالات وخاصة صناعة السيارات الحديثة ومتوقع انها تكون مركز صناعي عالمي على غرار اللي بيحصل في منطقة اقتصادية قناة السويس.
في الفترة الأخيرة طريول اتحولت لقبلة المصنعين والشركات العالمية ودا اللي كشفه شريف حمودة رئيس مجلس إدارة شركة GV المصرية والمنفذة للعاصمة الصناعية الجديدة طربول وقال إن العاصمة نجحت أخيرا في جذب 3 كيانات عالمية لتصنيع السيارات بالمدينة وخلي بالك من كلمة كيانات عالمية دي لأن معناها كبار مصنعي السيارات في العالم جايين يصنعوا عندك ودول في العادة مش بيروحو اي مكان غير لما يدرسوه كويس من كل الجوانب لغاية ما يطمنوا على جدوي المصانع ونقل التكنولوجيا والتسويق والأمان والاستقرار.
وحسب المعلومات المصنع الأول مخصص للسيارات الملاكي التقليدية والتاني للسيارات الكهربائية والتالت لعربات النقل الثقيل على أن يتم إزاحة الستار عن العلامات التجارية وتفاصيل الاتفاقيات الشهر اللي جاي .. كمان الشركة وصلت لاتفاق مع إحدى الشركات الكورية لتدشين مصنع لإنتاج بطاريات السيارات الكهربائية وبدأت مفاوضات مع إحدى العلامات الروسية لتنفيذ مصنع سيارات بكافة أنواعها تماشيًا مع المشروع القومي لتصنيع السيارات AIDP واللي دشنه السيد الرئيس في يونيو 2022 بهدف رفع حجم إنتاج مصر من السيارات من 36 ألف سيارة سنويًا إلى مليون سيارة بحلول 2030 ودا حلم مصري كان بعيد المنال.
وعلى فكرة مشروع طروبول مش لوحده لأن زي ماقلنا فيه مشروع قومي عملاق لتوطين صناعة السيارات وعشان كده مصر قدرت توقع قعدد من الاتفاقيات الضخمة منها جذب شركات نيسان وجنرال موتورز وستيلانتس لتصنيع سياراتهم بمدينة إيباز الصناعية شرق بورسعيد وكمان جذب فولكس فاجن الألمانية لتدشين مجمع لتصنيع مواد طلاء السيارات بمدينة إيباز والمشروع القومي لتوطين السياراتوقدر يجذب كمان شركات بروتون الماليزية لتدشين مصنع بطاقة 50 ألف سيارة سنويًا بالعين السخنة بالاضافة لاتفاق مع شركات غبورو وإيتامكو لبدء تصنيع السيارات داخل مصانعهم بالسادات بطاقة 100 ألف سيارة سنويًا.
كمان تضمن المشروع الضخم توقيع اتفاقية ملزمة مع جلوبال أوتو لتصنيع السيارات بمصانعها بمصر وجذب شركة المانع القطرية لتدشين مصنع لإنتاج السيارات لإحدى العلامات الصينية الكبرى واخيرا لتفاوض مع تويوتا اليابانية لتدشين مصنع لإنتاج السيارات بطاقة 100 ألف سيارة سنويًا.
.
