كنز مصري جاب 4 مليار دولار للحكومة في 10 شهور بجرة قلم
ازاي الحكومة جابت 4 مليار دولار في كام شهر من غير ماتغرم ولا مليم ولا تبيع شركات ولا تدفع فوايد ولا تقترض وايه هو الكنز المصري اللي قادر يغير خريطة الدولار في مصر وينهي السوق السوداء وفي نفس الوقت يغرق البلد دولارات.. كل دا هنعرفه في الفيديو معاكم خليكم معانا للآخر
مصر من اكتر دول المنطقة اللي عندها فرص للاستثمار تغري أي مستثمر بيفكر يكسب في اقتصاد واعد ومليان مزايا وكل يوم بيتطور عن التاني وكل دا مكنش هيتحقق من غير بنية أساسية حديثة وجديدة ومتطورة في كل المجالات كهربا وطرق ومحاور وشرايين تنمية جديدة وموانئ ومطارات، وضيف على دا كله توافر العمالة المدربة والرخيصة بمقارنة بباقي الدول في المنطقة وكمان انخفاض قيمة الجنيه بيزود مكاسب اي مستثمر عشان كده ملف الاستثمار الأجنبي في مصر هو المستقبل وعشان كده بردوا شفنا مليارات بتضخ كل يوم في شرايين الاقتصاد المصري وآخرها زيارة وفد رفيع المستوى من المستثمرين السعوديين بقيادة وزير التجارة لبحث ضخ استثمارات جديدة في مصر مع العلم القطاع الخاص السعودي بيستثمر 35 مليار دولار في مشروعات صناعية وعقارية في مصر بجانب 6 مليار دولار تانية استثمارات حكومية سعودية مباشرة.
العقار من اكتر القطاعات اللي بتحذب المستثمرين العرب في مصر بسبب الطقس الممتاز في مصر ورواج سوق العقارات الفاخرة وكمان لأن نشاط واعد جدا جدا وعشان كده كل يوم فيه استثمارات جديدة في المجال دا وآخرها شركة الحكير السعوديه الشهيرة واللي قررت تضخ مليار ونصف دولار مرة واحدة لعمل مشروعات عقارية جديدة في مصر، ودا غير الهجوم الخليجي والقطري تحديدا في الفترة الأخيرة على سوق العقاري في مصر واللي كل المؤشرات بتقول إنه هيقود الاقتصاد المصري الفترة الجاية.
وعشان كده الإقبال بيكون كبير على المدن الجديدة والحديثة في مصر من المستثمرين العرب وخاصة العلمين الجديدة والجلالة والسخنة والغردقة الجديدة وغيرها من المدن والمنتجعات المصرية الساحرة واللي مفيش زيها في العالم وعشان كده بيع الأراضي في المدن دي حقق مبالغ ضخمة جدا ودا اللي أعلنه الدكتور وليد عباس نائب رئيس هيئة المجتمعات العمرانية واللي كشف عن تحقيق 4 مليار دولار من بيع الأراضي للمستثمرين الأجانب بالمدن الجديدة خلال 10 شهور بس مقارنة بـ 2.2 مليار دولار في الفترة نفسها من العام السابق ودا لتنفيذ أحياء سكنية وجامعات ومدارس ومستشفيات وشفنا الدكتور مدبولي كان بيبحث من يومين مع سلسلة مستشفيات عربية التوسع في الاستثمار الطبي في مصر باعتباره مجال مربح جدا وحقق نجاح كبير في مصر.
مسؤول المجتمعات العمرانية كشف كمان السبب في الطفرة والطلب المتزايد من المستثمرين للحصول على الآراضي لتنفيذ مشروعات ضخمة وقال إنه بسبب توفير مدن ذكية حديثة مزودة بكافة المرافق وبنية تحتية تنافس مثيلاتها بالمدن العالمية وفي نفس الوقت عندها ميزة كبيرة جدا وهي رخص الأسعار مقارنة بالاراضي في الدول المجاورة وحتي في أوروبا بجانب إن مصر دولة سياحية بتنمو بقوة كبيرة جدا واستقبلت في آخر موسم حسب الأرقام الرسمية حوالي 13 مليون سائح ودا معناه رواج اكيد للمشروعات العقارية في المدن الجديدة واللي بقت مقصد السياح من كل دول العالم.
