في نص ساعة بس.. هاتاخد 5 مليون جنيه من البنك.. بس لازم تشوف الفيديو دا
لو أنت عايش على قدك وبتفكر تعمل مشروع من العدم.. عليك وعلى البنك..لو بتفكر تاخد من البنك مبلغ وقدره علشان تشتري حاجة .. عربية .. شقة.. محل.. يبقى الفيديو دا ليك..حتى لو حالتك المادية على قدها برضوا.. هاتستفيد لما تعرف البنوك بتقدم اية للموظفين
البنوك المصرية في مصر رافعة شعار "علي وأنا علي" .. البنك الأهلي هايقدم قرض بمليون.. تلاقي بنك مصر بيقدم قرض بـ 2 مليون .. وتلاقي بنك القاهرة بـ 4 مليون.. احنا بنقول أمثلة طبعًا.. بس أمثلة مش بعيدة أبدًا عن الحقيقة.
الحقيقة اللي بتقول إن البنوك بتتنافس على تقديم القروض الشخصية المقدمة للمعملاء.. وبتحاول بشتى الطرق إنها تجذب العملاء ليها من خلال نسب فايدة متناقصة مرة.. ومنخفضة مرة وهكذا.. وكمان بتحاول أن مسألة سداد القروض تكون بشكل بشكل مريح.. بمعنى أنك تسدد على أطول فترة سداد ممكنة.. يعني كل اللي عليكم أنك توصل البنك في نص ساعة وتقدم على القرض اللي أنت محتاجه.
والنهاردة هانتكلم معاكم عن تفاصيل سعر الفائدة المقدمة على القروض الشخصية في 5 بنوك.. هما البنك الأهلي ومصر والإسكندرية والقاهرة والبنك التجاري الدولي.
وبالنسبة للقرض الشخصي اللي بيقدمه البنك الأهلي المصري.. فدا قيمته بتصل لـ 3 مليون جنيه.. وفترة سداد مررريحة جدا بتصل لـ 12 سنة.
وكمان القرض دا سعر الفائدة عليه بتتراوح ما بين 22% لـ 24% سنويًا على أساس متناقص حسب نوع وظيفة العميل.
بس علشان تاخد القرض دا لازم يكون سنك بيترواح ما بين 21 لـ 60 سنة.. عند سداد آخر قسط من القرض. بس علشان تاخد القرض دا لازم يكون دخلك الشهري مايقلش عن ألف جنيه.
وبالنسبة للقرض الشخصي في بنك مصر.. فدا قيمته بتصل لـ 3 مليون جنيه.. وفترة سداد مريحة جدًا برضوا واللي بتصل لـ 15 سنة كحد أقصى.. يعني تقدر تسدد القرض على سنين أقل من كدا عادي.
وبنفس مقدار نسبة الفايدة.. في البنك الأهلي .. هو نفسه في بنك مصر.. واللي بيحط نسبة فايدة بتتراوح ما بين 22% لـ 24% سنويًا وبرضوا على أساس متناقص حسب نوع الوظيفة.
وعلشان تقدم على القرض دا لازم يكون الدخل الشهري الخاص بيك لا يقل عن ألف جنيه كحد أدنى لموظف الحكومة وألفين جنيه لموظف القطاع الخاص.
وفي بنك القاهرة.. ففي قرض تقدر تقدم عليه وتستلمه.. واللي بتصل قيمته لـ 2 مليون جنيه.. وفترة السداد تصل لـ 15 سنة.
وبالنسبة لـ سعر الفايدة فهي بتكون 22% سنويا على أساس متناقص بس بشرط أن يكون سن العميل بيترواح ما بين 21 سنة لـ 60 سنة.. اااه ولازم ولابد أن الدخل الشهري مايقلش عن 3 آلاف جنيه كحد أدنى.
وبمبلغ قيمته تصل لـ 5 مليون جنيه.. تقدر تحصل على قرض شخصي من بنك الإسكندرية.. واللي بيديك القرض وبعدين تسدده على 12 سنة.. وفترة السداد دي هي الحد الأقصى يعني ينفع تسدد القرض على فترة أقل من كدا.. والموضوع دا بيحسمه البنك حسب نوع وظيفة العميل ودرجة تضنيف الشركة.
وفي البنك التجاري الدولي .. عندك قرض بتصل قيمته لـ 3 مليون جنيه.. واللي تقدر تسدده على 8 سنين.
والفايدة على القرض دا أقل شوية.. واللي بتترواح ما بين 20.75% لــ 22.25% سنويا على أساس متناقص.
بس بشرط .. لازم يكون سن العميل بيترواح ما بين 21 سنة لـ 65 سنة.
وماينفعش دخلك الشهري: يقل عن 3 آلاف جنيه كحد أدنى.
