فكرة مش هاتكلف مصر دولار واحد.. يا ترى الحكومة بدأت تفكر فيها ولا لأ

أي أزمة اقتصادية.. محتاجة أفكار برة الصندوق.. واحنا أمام شح دولاري واضح في مصر.. وعلشان كدا.. لازم نقدم أفكار ومقترحات من خلالها نقدر نتجاوز الأزمة دي.. ودا اللي هانتكلم عليه النهاردة.

اية هو المقترح.. وهل الحكومة نفذته ولا لسه .. يلا بينا نعرررف

فاكرين من فترة لما اقترحنا أننا ننفذ فكرة مفادها أن مصر تحاول تتجنب مسألة صرف الدولار وتستبدل دا بالمقايضة.

واخد بالي من اللي مستغرب اوي من الكلمة.. ولسانه بيردد.. هو لسه في مقايضة في الزمن دا.

طيب ولية لأ.. لما تكون دولة ماعندهاش وفرة في الدولارات وفي نفس الوقت محتاجة يكون عندها تبادل تجاري نشط.. اية المشكلة لما الدولة المصدرة تاخد من الدولة المستوردة بضاعة بدل الفلوس.

وعلشان اللي مش عارف يعرف.. فـ نظام المقايضة .. يعتبر أحد أساليب التجارة القديمة واللي بتم  من خلال تبادل السلع أو الخدمات مباشرة بسلع أو خدمات أخرى دون استخدام وسيلة تبادل مثل المال.

طيب ويا ترى مصر فكرت برة الصندوق.. وبدأت في تنفيذ موضوع المقايضة دا؟؟

الإجابة هي .. نععععم.. بدأت في تنفيذ الفكرة دي وشغالة عليها بالفعل.

وفي الوقت الحالي.. مصر مثلًا على سبيي المثال... بتحاول تستورد من الخارج عن طريق نظام المقايضة اللي قولنا عليه.

خد عندك مثال مهم.. مصر بتُعتبر ثاني أكبر مشترٍي للشاي من كينيا.. وبدل ما مصر تشتري كمية هائلة للشاي من كينيا بالدولار.. فالحكومة المصرية اقترحت عدم الاعتماد على حصيلتها الدولارية، وبدلاً من ذلك تقترح المقايضة كبديل، ودا اللي أكدت  عليه وكالة بلومبرج للأخبار.

وطبعًا مصر بدأت تنتج النهج دا .. في ظل ندرة الدولار عندها وفي العديد من دول العالم.

والخطة المطروحة للتنفيذ في السياق دا.. هو إنه يتم مقايضة الشاي بأي شيء تنتجه مصر.

وبالمناسبة في مشروع للمقايضة برضوا كان مطروح بين مصر والهند لما كنا في حاجة لاستيراد كميات من القمح خاصة بعد الأزمة الروسية الأوكرانية.

والسفير المصري في كينيا.. أكد  أنه طرح مسألة مقايضة سعر الشاي بأي منتج مصر تقدر تصدره لـ كينيا.. وقال بالنص للمسؤولين في كينيا.. تعالوا وخدوا في المقابل اللي أنت عايزة مقابل سعر الشاي.

وبالمناسبة.. كينيا في الوقت الحالي بتشهد انخفاض في قيمة عملتها أمام الدولار بنسبة 18% ، بينما انخفض الجنيه المصري بنسبة 20% خلال نفس الفترة.

وطالما مصر بتُعتبر  ثاني أكبر مشتريٍ للشاي من كينيا بعد باكستان.. فـ كينيا جديًا هاتعمل على تنفيذ مطالب مصر.. لأنها في حاجة ماسة إلى سلع ومنتجات.. ومصر بالفعل تقدر تقدم دا.

وطبعًا مصر محتاجة تفعل نظام المقايضة دا بشكل واسع.. خاصة إنه في الآونة الأخيرة، البلد عانت من شح من العملة الصعبة.. وبالتالي دا أوان تنفيذ أفكار خارج الصندوق.