لو عندك ابريق نحاس مشغول وبابور ملكي .. هتبقى مليونير في غمضة عين

 

كل ماكان قديم كل ما زادت قيمته وسعره.. ابريق نحاس مشغول من بتوع زمان أو وابور من أيام الملكية أو الخمسينات او اي تحفة قديمة من الزمن القديم بتعتبر ثروة كبيرة جدا ممكن تدخلك نادي المليونيرات من بدري.

اي حاجة قديمة من الزمن الاصيل ليها معجبين أو مهوسين بيها ومستعدين يشتروها باي تمن وكفاية تعرف أن تمن ابريق النحاس القديم من النوع الكبير وعليه رسومات ومشغول يدوي وصل 50 ألف جنيه في سوق الانتيكات.. وفيه وابور من النحاس المشغول من أيام عصر الملك فاروق اتباع ب30 ألف وزي ما قلنا سوق الانتيكات مليان مغامرين وناس بتدور على اي حاجة عشان تشتريها وتخزنها عندها أو تحطها في معرض ودي هواية زي ما قلنا زي اي هواية تانية الناس بتدفع فيها ملايين.

وسوق القديم مليان وانت ممكن تدور في بيت العيلة القديم أو في غرفة الكراكيب  أو فوق السطح وجائز تصادفك حاجة من زمن جدك الجميل ويطلع قيمتها ضخمة وانت مش عارف ولو. لقيت حاجة تستاهل ومش عارف حد مكن يشتريها تقدر تدخل على الانترنت من موبايلك وتشوف صفحات عرض الانتيكات وتتصفح وتشوف طريقة البيع والعرض وبعدها تسأل على الحاجة اللي معاك وممكن ساعتها تكون المفاجأة وبداية طريق الثروة.
اوعي تستهون بسوق القديم ودور على عملات أو تحف قديمة وانتيكات وشوف في مطبخ تيتة ايه اللي من عصر  القديم ينفع يتباع بسعر كبير وجائز حتة واحدة تجيبلك آلاف الجنيهات ومتنساش كل ما كانت القطعة قديمة كل ما زاد سعرها، وكمان ممكن تدخل في البيزنس دا من غير ما تلاقي تحف أو كنز وهي انك تشتغل وسيط يعني تشوف حد عاوز يبيع وتشتري منه وترجع تبيعها لاي هاوي أو عاشق للتحف والعملات القديمة وتبيعها بسعر أعلى وممكن كمان تشتري بالمصري وتبيع بالدولار وهنا يبقي اتفاحتلك طاقة القدر ومثلا ابريق زي اللي قلنا عليه دا ممكن يتباع للأجانب ب5 آلاف دولار يعني بقيت ملونير في غمضة عين.