صندوق مصر السيادي.. فكرة السيسي اللي قلبت الموازين في المنطقة

في سنة 2018 مصر أسست صندوق مصر السيادي .. ايه هو الصندوق السيادي وايه وظيفته عمل ايه من ساعة ما اتأسي وراس ماله قد ايه ومين بيراقب عليه وايه حكاية الإشاعات اللي طلعت عليه وفلوس البلد اللي مش عليها رقيب.

زي ما قلنا من حوالي 5 سنين مصر عرفت طريق الصناديق السيادية وببساطة كده فكرة الصندوق زي فكرة المستثمر اللي معاه فلوس أو اصول وعاوز يستغلها ويشغلها ويكبر راس ماله بس الاختلاف هنا هو إن الدولة نفسها اللي بتستثمر وراس مال الصندوق ملك للدولة يعني ملك للشعب سيد السلطات عشان كده سموه سيادي يعني دا هيىة الدولة بتسليمه أصول مهملة أو مش عارفين تستغلها الاستغلال الأمثل وهو وظيفته بعيد تطويره وطرحه للخدمة من تاني هنديك مثل حاجة زي مجمع التحرير وهو مبني ضخم ومن ساعة ماتن نقل الموظفين منه وهو فاضي وكان اسهل حاجه على الدولة. أنها تبيعه زي ما هو كده لكن المجمع خده صندوق مصر السيادي وبيطوره ويخليه مشروع سياحي وفندقي عالمي بحكم موقعه وبكده سعره في الأساس هيضاعف عشرات المرات وغير المكسب من إيرادات المشروع دا الفكر الاقتصادي اللي قائم عليه صندوق مصر السيادي واستغلال وتطوير الأصول سواء عقارات او فنادق او اي مبني وإعادة طرحها للاستثمار وتحقيق مكسب للصندوق اللي هو الدولة وبكده يبقي الدولة بتكسب من كل الاتجاهات بتطور الصندوق وبتكبره وفي نفس الوقت بتعيد اكتشاف أصولها وتعظمها وفي نفس الوقت بتخلق فرص عمل وتعمل قيمة مضافة للاقتصاد.

طبعا الصندوق بيشتغل في كل حاجة بتجيب ربح مضمون وبعيد عن المخاطرة لأن في النهاية دي فلوس  دولة يعني فلوس الشعب ومثلا الصندوق بيطور المستشفيات العامة والمتخصصة، وبيستثمر في الابتكار والخدمات المالية والتحول الرقمي، والمرافق والبنية الأساسية زي محطات تحلية المياه ومحطات الرياح لتوليد الكهرباء، وقطاع اللوجستيات، والتوسع في مراكز البيانات والسلاسل اللوجستية
والهدف الأساسي لاختراع الصندوق السيادي بجانب الاستثمار المحلي هو جذب الاستثمارات الخاصة لمصر وتشجيع الاستثمار المشترك في الأصول المملوكة للدولة، وبيسعى الصندوق إلى اختيار الأصول القابلة للاستثمار من مختلف أجهزة الدولة لترويجها والاستثمار المشترك بها مع المستثمرين المحليين والأجانب يعني كمان فيه رؤوس مال جديدة وبالدولار هتدخل في النشاط ومخطط ليه يبقى من أكبر الصناديق السيادية في المنطقة.

أما موضوع الرقابة دا على الصندوق فاحنا في دولة قانون يعني كل المعاملات المالية فيها بإشراف عليها اكتر من جهة والمال العام ليه حرمته الشديدة لدرجة إن الرئيس السيسي نفسه أتكلم في الموضوع دا وقال إن كل الصناديق بتشرف عليها جهات قانونية ورقابية زي المركزي للمحاسبات ومجلس الوزراء والأموال العامة يعني كل جنيه في الصندوق بيكون معروف راح فين وجاي منيين وجاب كام مكسب.

صندوق مصر السيادي بيسابق الزمن لتنفيذ خطط تأهيل عدد من الأصول والشركات الحكومية لطرحها للمشاركة مع المستثمرين، ضمن خطة تستهدف ضخ عشرات المليارات من النقد الأجنبي فى الاقتصاد المصري، واطلاق عدد من الصناديق الفرعية المتخصصة ودا تماشيا مع سياسة وفكر الرئيس السيسي اللي قال معندناش رفاهية الوقت ولازم نشتغل ونهزم الزمن وعشان تعرف قد ايه الصندوق كيان مالي ووعاء استثماري ضخم  مجلس الوزراء أصدر قانون بزيادة  رأس المال المرخص به لصندوق مصر السيادي للاستثمار والتنمية بمبلغ 200 مليار جنيه مصري ليصبح 400 مليار جنيه مصري.

ليه بنتكلم عن الصندوق النهاردة.. عشان حاجتين الاولى إننا نعرفك على نافذة اقتصادية وكيان عملاق بيستثمر بشكل مستقل وبمشاركة مع الأجانب على تنويع فرص الاستثمار في البلد وتاني حاجة لان مجلس إدارة الصندوق عمل اول  اجتماع بتشكيله الجديد واللي بيضم خبرات في مجال الاستثمار والبنوك والمناطق الاقتصادية وغالبيتهم أعضاء مستقلين .

وخلال الاجتماع تم مناقشة موقف استثمارات صندوق مصر السيادي، ومتابعة الموقف الأخير للمشروعات والأعمال الخاصة به وبالصناديق الفرعية التابعة له.
هالة السعيد وزيرة التخطيط ورئيس مجلس إدارة الصندوق قالت إن الصندوق السيادي يبهدف في الأساس إلى خلق فرص أمام المستثمرين الوطنيين والأجانب والحفاظ على حقوق الاجيال القادمة، وهو بمثابة الذراع الاستثماري للدولة وتتماشى خطته مع رؤية مصر 2030 وأجندة التنمية المستدامة 2030، بما يحقق التنمية والعدالة المكانية بالاستثمار في المحافظات المختلفة.