حقيقة كنز إيراداته 43 مليار دولار سنويا.. ايه الموجود في أبو زنيمة

 
 
مصر مليانة كنوز مفيش زيها في العالم بس المطلوب نكتشفها ونشوف افضل استثمار فيها وتعظيم إيراداتها.. والحقيقة الكلام كتير عن الثروات المصرية الطبيعية خاصة في سيناء واللي جبالها وسهولها فيها معادن نادرة عالميا وفي انتظار الاستغلال الأمثل.. ايه حقيقة كنز مصر في منطقة أو زنيمة بوسط سيناء وهل حقيقي فيها ثروات تجيب 43 مليار دولار في السنة لو تم استغلالها وتصنيعها وبيعها مصنعة مش مواد خام ولو هي فعلا كده الحكومة سيباها ليه لغاية دلوقتى واحنا عندنا أزمة دولار وايه دور اسرائيل في القصة
 

 
قبل وفاته في 2015 الخبير الاقتصادي الشهير صلاح جوده  طلع في برنامج تلفزيوني وكشف عن مفاجأة من العيار التقيل بخصوص ثروة وكنز مصري ضخم في منطقة صحراء ابو زنيمة في وسط سيناء.. وقال الخبير وقتها إن المنطقة دي فيها ثروات طبيعية ومعادن لازم تستغلها صح وإن استغلالها بالوضع الأمثل كفيل إنه يدخل 43 مليار دولار في السنة والعهدة على الراوي.

حسب اللي قاله جوده المنطقة دي فيه رمال زجاجية الاعلى نقاء في العالم بنسبة 99% تقريبا في حين أن الرمال في وادي السليكون غرب الولايات المتحدة الأمريكية الرمال الزجاجية فيه درجة نقائه69% فقط ورغم كده بتتحكم في صناعة شرائح الكمبيوتر وغيرها اللي بتدخل وعصب صناعة الأسلحة وأجهزة الحاسب الالي المتطورة يعني سلعة واحدة امريكا بتحتكرها بتتحكم بيها في السوق العالمي، والغريب اللي قاله الخبير الراحل إن مصر بتصدر الرمل الزجاجي خام لايطاليا وتركيا ودول تانية مجاورة ودول كتير. في العالم ب12 دولار للطن الخام وإن الدول دي بتصنع الشرائح الإلكترونية والبلور عن طريق 3 مراحل اصعبها هي فصل الشوائب اللي بتمثل 1% فقط بواسطة مياه البحر وماكينة لا يتعدى سعرها 2 مليون دولار.
والأمر الغريب إن مصر بترجع تشتري الزجاج النقي دا ب230 دولار للطن بأسعار 2015 وبتعمل منه الزجاج الباور وتصديره ب2000 دولار للطن في حين دولة بتستورده مننا وتصنع منه الشرائح الذكية وبتصدر الطن منها ب23 ألف دولار ومصر بتستوره بالسعر دا رغم أنها بتبيع الطن خام ب12 دولار.

لغاية هنا خلص كلام الخبير الشهير واحنا من ناحيتها بمطالب الحكومة تشوف حقيقة اللي اتقال ولو كان حقيقة فلازم وزي ما بيقول الاقتصاد إننا نوقف التصدير خام للرمال الزجاجية ونبتدي نصنع المنتجعات الذكية زي الشرائح الإلكترونية وبيعها بأرقام مضاعفة وإن منطقة ابو زنيمة تتحول لمركز عالمي للتصنيع واستغلال المعادن وخاصة إنه معروف إن مصر عندها كميات ضخمة من الرمال اللي قال عليها الخبير بجانب ثروات تانية ضخمة يجب استغلالها وخاصة إن العائد منها بمليارات الدولارات في السنة ودا كفيل إنه يحل كل أزمات مصر المالية.
معروف كمان إن دول كتير ومنها اسرائيل من زمان كانت بتعرقل أي تنمية في سيناء بحجة اتفاقية السلام وأمن اسرائيل لكن من ساعة الرئيس السيسي ما تولي الحكم والفكر دا اتغير ومصر بتستغل كل فرصة للاستثمار والتصنيع وخاصة في سيناء واللي بتم فيها اكبر عملية تطوير وتعمير واستغلال الموارد.