سبيرو سباتس عمره 100 سنة وأقدم من الكولا والبيبسي.. حكاية مشرب ملكي مصري يعود للحياة

حملات المقاطعة الاخيرة للمنتجات اللي بتدعم الكيان الإسرائيلي كشفت عن حاجات حلوة كتير في بلدنا وعن صناعات قديمة لوكان تم الاهتمام بيها كان زمانها بقت عالمية وبجودة أفضل من المستورد ولكانت شركاتنا عالمية وليها فروع في كل دول العالم واحسن من غيرها كمان بس للاسف عقدة الخواجة اللي دمرت اقتصادنا وشركاتنا وصناعتنا ..

سبيرو سباتس.. واحد من الأمثلة على الفرص الضايعة في حياتنا واللي كان ممكن تتحول لكيان اقتصادي يهزم بييسي كولا العالمية بمنتج مصري احلى وألذ من غيره الأجنبي.. لكن ايه حكاية المشروب المصري القديم دا وازاي رجع السوق بقوة وبقى الطلب مش ملاحق.

بداية انشاء مصنع مشروب  «سباتس» تعود لسنة 1920 يعني من اكتر من 100 سنة وكان ضمن مصانع مشروبات غازية لكن سباتس كان أفضلهم بسبب طعمه اللذيذ وخلطته الطبيعية وسر الصنعة ولدرجة إن الملك فاروق منح صاحب المصنع عط وسام «الملك فاروق» كأفضل مشروب مصري الصنع.. الغريب إن المشروب المصري الملكي موقفش إنتاجه خالص لغاية. دلوقتي ولسه ليه زبونه بس محدش كان عارفه كتير بسبب البيبسي والكولا وصحاي المصنع مكانوش مهتمين بالدعاية وجودة المنتج كانت سبب وجوده في الأسواق.

وكانت منح وسام الملك فاروق للمصنع الميلاد الأول للمشروب البديل للمشروبات الغازية، ووثقت عدسات الصحف وخاصة المجلات القديمة مشاركة مشروب سبيروسباتس في العديد من الفعاليات منها الفوز بميدالية الملك فاروق الأول كأفضل منتج متفوق على 65 مصنع آنذاك، لتمر الأيام وتبدأ حكاية المشروب المصري الأصيل التي لم تنتهي.. يعني كان مشروب سباتس راعي لبطولات الملك وقتها ودا بيعرفتا قد ايه هو كان المشروب رقم واحد في مصر والمنطقة.

بعد انتشار حملات المقاطعة الاخيرة صد المنتجات الأمريكية والإسرائيليية نشر رواد الفيسبوك صور لمشروب الملك فاروق المفضل سبيرو سباتس، ومع الصور منشورات بتأكد على طعمه الجميل وإنه مشروب مصري أصيل وقديم ودعمه هيخليه اشهر من البيبسي والكولا... وبعدها نال المشروب إعجاب واسع بين مستخدمي مواقع التواصل الاجتماعي، بسبب طعمه وكمان لان سعره أقل من المشروبات التانية اللي بتدعم لإسرائيل، وجودته ممتازة.

ولان الموضوع جديد وشيق بحث مستخدمو مواقع التواصل الاجتماعي على أصل مشروب سبير. سباتس واكتشفوا إنهمشروب عتيق ظهر قبل ظهور المشروبات الغازية الأخرى الداعمة لإسرائيل.

طيب مين هو مؤسس شركة سبيرو سباتس؟

زي ماقلنا سبيرو سباتس هي أول شركة للمشروبات الغازية في مصر، مؤسسها يوناني الأصل، عاش في مصر منذ أن كان عمره 15 عامًا، وبمرو الوقت غزت الشركات الأمريكية الداعمة لإسرائيل الأسواق وتراجع المشروب، إلى أن عاد بقوة في الفترة الراهنة
ويتوافر سبيرو سباتس بعدة نكهات وأنواعها هيسبيرو سباتس عنب. و سبيرو سباتس تفاح.و سبيرو سباتس يوسفي. و سبيرو سباتس أناناس. و سبيرو سباتس خوخ.. و سبيرو سباتس ليمون.
.
كمان اشتهر سبيرو سباتس باسم مشروب الذبابة نظرًا للشعار على العبوات لكن الحقيقة الصورة مش لذبابة زي ما الناس كانت فاكرة.. لكنها بترمز إلى النحلة، لأن اليوناني صاحب الشركه كان في الأصل بتاجر في عسل النحل، وعلى فكرة الشركة كانت من أوائل الشركات الداعمة لـ فلسطين المحتلة.

المفاجأة أن الشركة مش ملاحقة على زيادة الطلب من أصحاب الكافيهات والقهاوي والإمساك لدرجة إن فيه تاجر قال أنا بعت 600دستة وكل شوية اكلم الشركة يبعتوا مندوبهم قالولي احنا مش ملاحقين وهنبعتلك لما نخلص الطلبيات اللي عندنا.  شفتوا ممكن قرار  مهما كان بسيط ورمزي ممكن يعمل ايه في شركة وفي اقتصاد بلدك.