ايه حكاية "نمبر وان" الروسي اللي هيظهر في مصر وهيقلب الموازين في المنطقة
السوشيال ميديا ملهاش حديث غير على الحدث الروسي الكبير اللي هيكون في مصر وإنه هيكون ليه تأثير قوي على الموقف والقدرات المصرية في المنطقة.. ايه حكاية نمبر وان الروسي اللي مصر كلها مستنياه ومصر كلها بردو مش عارفة هو يطلع ايه.
في الكام ساعة الأخيرة مواقع السوشيال ميديا فيمصر نقلت تصريحات عن مصادر روسية ونقلتها بردوا وكالات أنباء روسية ووسائل إعلام رفيعة المستوى بخصوص استعداد مصر لاستقبال "نمبر وان" الروسي الشهير، مؤكدة إن هناك مفاجأة كبرى وسارة تنتظر المصريين قريبا. ولغاية هنا خلص الكلام ومحدش فاهم حاجة لكن من الواضح كده إنه فيه حدث كبير فعلا هيحصل في مصر وليه علاقة بالروس لأن الكلام منشور على مواقع رسمية روسية وشديدة القرب من الكرملين.
طيب ايه هو نمبر وان.. زي ماقلنا محدش عارف ايه هو بالظبط ودا سبب الغموض في الموضوع لكن من التعليقات على الخبر المنشور على الوكالة الروسية بيلمح إن فيه صفقة مع العيار التقيل بين مصر وروسيا هام أو تتنفذ لكن ايه هي طبيعتها محدش عارف وفيه تعليقات قالت هيكون بخصوص الوحش النووى الروسي في الضبعة وناس تانية قالت إن نمبر وان الروسي اللي هيوصل مصر قريب هو الرئيس بوتين نفسه وإن الزيارة هتكون نقطة فارقة في المنطقة عشان هيكون فيها اتفاقيات كتيرة.
أيا كان الموضوع ونمبر وان الروسي اللي هيجي مصر فخلينا نفكركم إن العلاقات الروسية المصرية تاريخية وفيها مواقف مهمة جدا ومواقف مشرفة ومساندة ومين ينسي السد العالي وتسليح الجيش المصري قبل حرب أكتوبر ومين ينسي الموقف الروسي اللي سند مصر في عز أزمتها بعد الاطاحة بالاخوان وتصريحات بوتين القوية ساعتها أن الشعب المصري حر في تحديد مصيره وفي كل مرة روسيا بتثبت أنها صديق واضح وقوي لمصر ودور بيقوم على الاحترام والتقدير.
