مبروك هدية مجانية.. رسالة هتخسرك كل مدخراتك

مبروك هدية مجانية. انت كسبت معانا..  وانت الفائز..  وغيرها من الرسائل اللي بتوصلك وفي النهاية بتلاقي نفسك ضحية من ضحايا النصب الالكتروني..
الصدمة أن فيه دراسة عملتها شركة فيزا بخصوص النصب الإلكتروني وخداع العملاء  للاستيلاء على فلوسهم وكشفت عن مفاجأة وهي إن كل 9 أشخاص معرضون للتجاوب مع عمليات النصب مقابل شخص واحد هيتجاهلها ودي مصيبة معناها إن مدخراتك في خطر .

والحقيقة التطور الكبير  كل ساعة في عالم الرقمنة تسبب في   تطور عمليات الاحتيال، وتطور الأساليب الجديدة اللي  بيستخدمها المحتالين لخداع المستخدمين زي مثلا يبعتلك  طرد معلق في الجمارك، أو اشتراك في خدمة البث بدعوة أنه انتهت صلاحيته، أو قسيمة مجانية لعلامة تجارية مفضلة، عشان ياخد بيانات الفيزا وبطرق رقمية يتم السطو على الحساب من خلال فيزا الدفع الالكتروني.

دراسة فيزا لعام 2023  كشفت كمان عن حاجة خطيرة جدا وأكبر  جريمة سطو على المصريين وهي إن أكتر من نص الأشخاص في مصر كانوا ضحايا لعملية احتيال لمرة واحدة على الأقل 53٪ مقارنة بالمعدل العالمي البالغ 52٪ ودا معناه ملايين من الرسائل المزيفة والمحاولات السطو على حساب العملاء ودا بيدق جرس الخطر وعدم التعامل مع أي رسائل أو الإفصاح عن البيانات البنكية أو الخاصة بالفيزا.