ثروات مشبوهة.. الملايين الحرام في ثروات رجال الأعمال

الفلوس الحرام مابدومش.. والبركة في الحلال ومش شرط تكون حرامي ولا مرتشي ولا بتستغل نفوذك عشان فلوسك تبقى مشبوهة.

فيه أصحاب ثروات كتير ورجال أعمال فلوسهم فيها شبهة ومنها التهرب من الضرايب مثلا أو تزوير بيانات النشاط أو حرق المخازن عشان يصرف التأمين أو الغش التجاري أو اخفاء بيناتات عن الدولة عشان مايدفعش رسوم ودا غير التحايل على القوانين والقواعد عشان رجل الأعمال يهرب من دفع حق الدولة اللي هو حق المواطن في النهاية.
ياترى كام رجل أعمال وصاحب ثروات فلوسه فيها شبهة ومداش حق الدولة في مصر.. بالأرقام وحسب تصريحات وزير المالية محمد معيط منظومة الفحص الإلكترونى كشفت 22 ألف حالة تهرب ضريبى.. وإن الدولة حصلت 1.3 مليار جنيه إجمالى متحصلات 194 حملة تهرب ضريبى خلال عام 2022. دا اللي اتمسك فياترى كام واحد عدو وهربوا من دفع حق الدولة عليهم .. تعالى نقولك.. حسب البيانات الرسمية نسبة التهرب الضريبي في مصر عدت حدود 55 في المئة في الوقت الي بتعتمد فيه الحكومة المصرية على الضرائب بأنواعها كافة في تدبير ما يقرب من 80 في المئة من إيرادات الموازنة العامة للدولة واللي تخطت حدود 1.3 تريليون جنيه يعني حوالى 83 مليار دولار خلال العام المالي الحالي 2021-2022، وتخيل حضرتك دا في سنة واحدة بس واضرب مثلا الرقم في 5 سنين هتلاقي إن فيه كارثة حقيقية.