تقدر تقلده.. بريطاني عايش من غير فلوس لمدة 15 سنة

الفلوس هي محور الحياة وزينتها ومبتغاها والغنى رزق والفقر ابتلاء، لكن عمرك اتخيلت حياتك من غير فلوس خالص وجربت تعيش من غيرها مش أسبوع ولا شهر ولا حتى سنة لكن لمدة 15 سنة كاملة مفيش في جيبك ولا مليم.
المواطن البريطاني مارك بويل، عمل دا وقدر يعيش حياته لمدة 15 سنة كاملة من غير ولا جنيه استرليني في جيبه..طيب هو عاش ازاي وايه قصته.
شوف ياسيدي بويل قرر التوقف عن استخدام الفلوس لأنه وجد سعادته زي مابيقول في حياة خالية من المال والتكنولوجيا ومن غير موبايل ولا فيسبوك ولا أي من وسائل العصر الحديث.
وقال الراجل البريطاني إنه لقى سعادته في الحياة البدائية والعيش مع الطبيعىة الام وبأقل الاحتياجيات وإن دا خلاه يعيش حالة من السكينة والسلام النفسي.

بويل اشتهر بلقب "الرجل عديم المال" وتخرج من الجامعة بتخصص في الاقتصاد وإدارة الأعمال، ووجد وظيفة بأجر جيد بعد تخرجه، في شركة للأغذية العضوية بمدينة بريستول في المملكة المتحدة.

وعاش الراجل حياة مترفة في الأول، فيها كتير من النمط الاستهلاكي المتعلق بشراء أجمل الملابس وأحدث الهواتف المحمولة وارتياد المطاعم والمقاهي، وغير ذلك من الأنشطة الترفيهية.

لكن كل شيء اتغّر في حياة بويل في إحدى ليالي سنة 2007، وده بعد جلسة فلسفية ودية مع صديق، كانوا بيتناقشوا فيها عن مشاكل العالم وإزاي تتعالج بشكل أفضل لإحداث فرق فعلي.
وقال بويل إنه بعد جلسة النقاش دي أدرك إن المال هو السبب الأساسي لمعظم المشاكل، وإنه تذكر مقولة غاندي الشهيرة: "كن التغيير الذي تريد رؤيته في العالم".
ومن ساعتها ولمدة 15 سنة قرر يعيش حياة بسيطة وبأقل الامكانيات ومن غير ما يستخدم أي فلوس وكان ياكل من خير الأرض والطبيعة واتخلى عن كل احتياجاته من شراء وتمتع بملذات الحياة ..
ياترى فيه حد مننا ممكن يعمل زي بويل ويعيش من غير فلوس لمدة شهر واحد مش 15 سنة ولا إيه اللي هيحصل.