احتياطيات الغاز المصري.. قفزة في ملعب الطاقة

في  الأيام اللي فاتت ثار جدل تحول لتوقعات ومنها لقصص ورويات عن انهيار انتاج حقل ظهر للغاز الطبييعي وإن مصر فقدت قوتها في ملف الغاز ومعاها اتبدد حلم إنها تكون مركز اقليمي للطاقة.. ودا طبعا كله اكاذيب من  اختراع قنوات ومنصات الإخوان والحقيقية الواضحة بتقول إن أرض مصر مليانة ثروات وخير لأنها أرض طيبة ومباركة.
 
وبلغة الأرقام اللي هتخرس كل إعلام عميل ومنصات مشبوهة حجم مخزون الغاز من الاكتشافات الجديدة في مصر وصل 2.65 تريليون قدم مكعبة غاز و23 مليون برميل متكثفات،  ودي الاكتشافات لغاية دلوقتي ولسه فيه امتيازات جديدة في 23 منطقة طرحتهم الحكومة من أيام ودا بجانب حجم الإنتاج دلوقتي.

ولسه معاكم في الأرقام واللي بتقول إن السنة للي فاتت شركات التنقيب حفرت 8 آبار استكشافية ونتج عنها تحقيق 5 اكتشافات جديدة للغاز الطبيعى بالبحر المتوسط ودلتا النيل وتم طرح المزايدة العالمية لسنة 2022 للبحث عن الغاز الطبيعي في 12 قطاعا منها 6 قطاعات بالبحر المتوسط و6 قطاعات بدلتا النيل وتم الانتهاء من تقييم كافة العروض وإعلان نتيجة المزايدة.

في نفس الوقت تم المضي فى إجراءات إصدار 11 اتفاقية للبحث عن الغاز وتم توقيع 9 اتفاقيات، وجاري استصدار القوانين الخاصة باتفاقيتين ، بإجمالي منح توقيع 30 مليون دولار وإجمالى استثمارات 925 مليون دولار، وتم تنفيذ مسح سيزمي ثلاثي الأبعاد بالبحر المتوسط على مساحة حوالي 4 آلاف كم2 بمنطقتي التزام نور وشمال رفح البحريتين ومنطقة التزام نرجس البحرية، وجاري عمل مسح سيزمى إقليمى ثلاثي الأبعاد بغرب البحر المتوسط لمساحة حوالي 11 ألف كيلو متر مربع.
وكمان تنفيذ 6 مشروعات لتنمية وإنتاج الغاز من الحقول المكتشفة ووضعها على خريطة الإنتاج، بالإضافة لوضع 36 بئر على الإنتاج بإجمالي إنتاج أولي 666 مليون قدم مكعبة غاز يومياً و17 ألف برميل متكثفات يومياً، وبإجمالي تكلفة استثمارية للمشروعات والآبار التنموية  بحوالي 738 مليون دولار.