دور في بيتك هتلاقيه.. كنز الملك فاروق والسطان فؤاد يشعل اهتمام المصريين.. إيه الحكاية

لو عندك خزنة قديمة لجدك أو ليه متعلقات ليها سنين في البيت إلحق دور فيها كويس جايز تلاقي فيها كنز وانت متعرفش،... ايه الكنز الملكي اللي ممكن يخليك مليونير وايه سر العملات القديمة وليه ناس بتحب تشتريها بمبالغ ضخمة وهل كل العملات القديمة ينفع تتباع لهواة جمع العملة والأوراق النقدية القديمة.

دلوقتي تقدر تعمل ثروة كبيرة لو دورت في الأغراض القديمة عندك ولو لقيت عملة نقدية من أيام الملك فاروق يبقى انت اتفتحتلك طاقة القدر، وتقدر تبيع الورقة الواحدة بـ40 ألف جنيه، ودلوقتي العملات القديمة بقت ثروة  وهوس لناس كتير عندها هواية جمع النقود القديمة وزي هواية جمع الطوابع البريدية والانتيكات وعلى فكرة الحاجات القديمة دي ليها أسواق واسعة حولين العالم كله لأن في كل مكان فيه ناس بتعشق تلم وتجمع القديم فيي أي حاجة وعشان كده ظهرت مواقع وقاعات عرض ومزادات في العالم كله لبيع وشراء أي حاجة قديمة لأن القديم يعني تاريخ قيمته بتزيد يوم بعد يوم، وناس كتير مهووسة بجمع والاحتفاظ بها بالمقتنيات الأثرية والتحف الفنية ذات القيمة الكبيرة.

ولهواة جمع العملات النقدية المصرية فيه مفاجأة سارة  للمهتمين بالموضوع وهي رواج الطلب على العملات القديمة اللي صدرت في عهد الملك فاروق، واللي عليها طلب كبير جدا  في الفترة الحالية بسوق العملات القديمة، واللي صدرت في عهد الملك فاروق، واللي بيختلف سعر كل عملة على حسب ندرتها وحالتها، وبيكون سعر العملات الورقية القديمة هي الأغلى، بسبب قلة وجودها، وهلاكها السريع مقابل مثيلتها المعدنية.

ودلوقتي أصبحت عملات الشلن والبريزة الصادرة في عهد الملك فاروق، كنز بيجري وراه هواة وتجار المقتنيات الثمينة في سوق العملات القديمة، ووصل سعرها إلى 40 ألف جنيه على حسب حالتها، وكمان عملة البريزة وصل سعرها أيضًا إلى 40 ألف جنيه، بشرط يكون مدون على العملتين «الشلن والبريزة» كلمة « الدولة المصرية، وحسب بورصة العملات القديمة وصل سعر بيع عملة  ريال السلطان فؤاد في الـأيام الأخيرة80 ألف جنيه، زي ماحضرتك سمعت كده 80 ألف في ورقة واحدة بشرط يكون تاريخ صدوره 1920 م، ومكتوب عليها اسم السلطان فؤاد، فتخيل كده لو معاك 100 ورقة انت دخلت نادي المليونيرات من بوابة السلطان فؤاد.

طيب حد ممكن  يسأل لو معاه العملات اللي قلنا عليها يعمل إيه.. شوف حضرتك فيه صفحات معتمدة على مواقع التواصل الاجتماعي بتبيع وتشتري العملات دي وبيبقى حسب الاتفاق على الخاص وبتقابل المندوب اللي بيفحص العملة وحالتها وبيتم بعدها الاتفاق على السعر واللي بيتم تحويله بأي شكل على  حساب صاحب العملة، وفيه كمان العديد من المزادات من خلال السوق الإلكتروني العالمي "إيباي ebay"، لعرض وبيع العملات القديمة والتحف والانتكات من مختلف البلدان بمختلف أنواعها، ومن ضمنها العملات المصرية القديمة، وكل ما العملة كانت قديمة وبحالة كويسة كل ما سعرها بقي في العالي.

وعلى فكرة مش بس العملات القديمة اللي ممكن تبيعها في مواقع البيع على مواقع التواصل لأن أي حاجة قديمة وليها أهمية تاريخية ينفع تتباع وهتجيب مبالغ محترمة على  مواقع البيع والشراء المحلية، وموقع التواصل الاجتماعي «فيسبوك» من خلال خاصية الماركت الموجودة بالموقع أو الجروبات الخاصة ببيع وشراء العملات القديمة والنادرة، وقبل ما تبيع أي حاجة اسأل على تمنها أو قيمتها المادية في أكتر من موقع وجروبات عشان ماينضحكش عليك وتقدر دلوقتي تدور على اي عملة قديمة وتبيعها وتقرأ الفاتحة للملك فاروق أو السلطان فؤاد.