رمال سوداء وحمامات طين..مصر تجني مليارات الدولارات من كنوزها الطبيعية

السياحة فى مصر بتعيش ازهى عصورها فى الشهور الأخيرة وفيه اقبال كبير جدا على زيارة مصر من مختلف الجنسيات للاستمتاع بجوها وزيارة اهم معالمها السياحية والحكومة بتحاول تستغل الطفرة الكبيرة فى معدلات السائحين وتغريهم ببرامج جديدة عشان تزود عدد السياح وكمان تستفيد من التطورات اللى بتحصل فى قطاع السياحة عالميا.. فيا ترى ايه الجديد اللى هتعمله السياحة ؟ وايه تأثيره على حجم الوافدين لمصر؟
 
بعدم الطب البديل بقا محل اهتمام العالم وفقا لأحدث تقرير أصدرته منظمة الصحة العالمية خصوصا مع تعاقب الأزمات الصحية، ومنها كورونا وتبعاتها ومن بعدها الأزمة الروسية الأوكرانية اللي أثرت على الوضع الاقتصادي العالمي ورفعت معدلات التضخم، وكمان أثَّرت على رفع تكلفة الدواء كشفت مصر عن خطتها اللي حققت بيها تقدم في مجال الطب البديل واللي خلتها تحتل المرتبة الرابعة عالميا في تصدير الأدوية العشبية لعام 2022.
وكشف تقرير حديث لمركز المعلومات ودعم اتخاذ القرار في مجلس الوزراء المصري خطة الحكومة في دعم الطب البديل في مصر وقال ان البداية كانت من قدماء المصريين اللى استخدموا العديد من الأعشاب في أدويتهم وده كان واضح البرديات المصرية القديمة اللي وثَّقت تفاصيل الطرق اللى مارس بيها المصريين القدماء الطب.
والبرديات دي بتصف بالتفصيل الأمراض وكيفية التشخيص والعلاجات المختلفة اللي تم استخدامها في التغلب على الأمراض وتضمنت الأدوية العشبية، والجراحة، والإجراءات الطبية المستخدمة لعلاج الأمراض المختلفة.
وبتتميز مصر بوفرة وتنوع بيولوجي للنباتات الطبية والعشبية والعطرية، وبيرجع ده  لموقعها الجغرافي، واستصلاح المناطق الجديدة، والظروف المناخية وظروف التربة والعلماء المؤهلين، وكمان التقنيات الجديدة والتصنيع منخفض التكلفة،.
والحكومة حاليا بتدرس تطبيق الممارسات الزراعية الجيدة للاستفادة الكاملة من الأدوية العشبية والمزيد من التجارب السريرية حوالين تأثيرها بالاضافة للبحوث الدوائية على المركبات أو المستخلصات المعزولة حديثًا بالإضافة لتطبيق التقنيات الخضرا وزيادة غلة وجودة ونمو النباتات الطبية والحفاظ على الأنواع المهددة بالانقراض.

ومع نمو الطلب العالمي على الطب البديل أصبحت مصر أحد المقاصد المهمة على مستوى العالم، وبيزورها الاف السياح بغرض السياحة العلاجية والعلاج لمجموعة كبيرة من الأمراض سواء الجسدية أو النفسية
ومصر مليانة أماكن مهمة للسياحة العلاجية ومن الأماكن دي الرمال السوداء بسفاجا بمحافظة البحر الأحمر واللي أثبتت فعاليتها في علاج التهاب المفاصل الحاد والمزمن والتهاب الجلد والصدفيه بالاضافة الى انها غنية بالأملاح وكتير من المعادن القادرة على علاج الأمراض دي
وفيه كمان الينابيع المعدنية الحارة بواحة سيوة وسيناء واللي بتعالج أمراض الجهاز الهضمي المزمنة والنقرس والسكري والروماتيزم وارتفاع ضغط الدم والأمراض الجلدية والتهاب المفاصل.
وبيتوافر فى مصر كمان حمامات الطين فى منطقة وادي عسل بجنوب سيناء وبيعالج الطين المتوافر بالمنطقة التهاب المفاصل، و آلام المفاصل، وأمراض الجلد الالتهابية، وآلام العضلات، وبيتوافر كمان العلاج بمياه البحر الأحمر واللي بتستخدم في علاج آلام الظهر والعضلات والتهاب المفاصل والصدفية والأكزيما وارتفاع ضغط الدم والربو والتهاب الشعب الهوائية، بالإضافة لإنقاص الوزن 
وفيه كمان حمامات الرمال الساخنة في أسوان وسيوة ودي  بتعالج الروماتيزم والتهاب المفاصل وآلام المفاصل والعقم.

وبيتوافر فى مصر برضوا العلاجات المناخية والعشبية وتحديدا في النوبة واللي بتهدف لعلاج أمراض الجهاز التنفسي و الروماتيزم زمشكلات الجهاز الهضمي ومشكلات الكُلى .. وفيه عشرات الالاف من السياحى اللى بيزروا الأماكن دي وبيستفيدوا من العلاج اللي بتوفروا