جابر الخواطر وكبير العيلة.. ليه السيسي عامل حالة خاصة مع الناس
ليه الرئيس السيسي عامل حالة خاصة مع الناس وليه المصريين شايفين فيه الزعيم والأب والضهر الشديد وليه حاسين معاه بالأمان، وإزاي السيسي قدر يوصل لقلوب الناس في مصر وبره مصر والكل يهتف باسمه في الأزمات ووقت الشدة وأخرهم الشعب الليبي وقبله شعوب فلسطين والسودان وبقى اسمه في العالم رمز للقوة والعناد والصلابة والاحترام ولما يزور بلد بيستقبل استقبال الفاتحين.
التاريخ شاهد إن المصريين سلاسلة ملوك عظيمة وكل اللي حكمهم في التاريخ القديم وكتير من التاريخ الحديث ملوك وحكام عظام، والمصريين من الأخر كده اتعودوا من ألاف السنين يكون ليهم ميزات مصرية خاصة بيهم عشان كده عملوا حضارة عظيمة محدش وصلها، أدهشت العالم، والمصريين أول اللي اخترعوا الحكومة ونظم الحكم والتجارة والزراعة والحساب والفضاء من آلاف السنين وأول اللي اكتشفوا الدهب وعمله منه مشغولات وتماثيل من هنا بقت حضارتهم دهبية وعظيمة والعظمة دي فضلت في جينات المصريين واحساسهم بالقوة والعظمى والكبرياء وقيادة الصفوف الأولى في كل حاجة عشان كده المصري العادي مش بيحب الحاكمم الضعيف أو يتقال على بلده بلد عالم تالت أو يشوف إن فيه دول لسه ظاهرة من كام سنة وأغنى منه وعشان كده المصريين كانوا مستنين زي ما نقول كده المهدي المنتظر أو الرئيس القوي اللي مش بيخاف واللي يقدر يكون زعيم في المنطقة والعالم.. ودا حصل لما الظروف الصعبة جدا جابت السيسي في الوقت المناسب؟
المصريين أول مرة من سنين طويلة يلاقوا رئيس يتحدى العالم كله في أول حكمه وقدر يلوي دراع كل القوى اللي كانت معترضة على رغبة الشعب المصري في الاطاحة بحكم الإخوان العميل، والمصريين شافوا لأول مرة رئيسهم بيستقبل استقبال الفاتحين في روسيا وفرنسا وكل الدول اللي زارها وبقى رؤساء العالم بيتسابقوا عشان يقابلوه، والمصريين لأول مرة من سنين بعيدة يشوفوا مصر رجعت تحكم المنطقة من تاني وشفنا قرارات الرئيس في ليبيا والسودان والبحر الأحمر وخطوطه الحمرا، ولأول مرة رئيس مصر يتحدى القوة العظمي ويبني قوات مسلحة حديثة ويبني دولة جديدة ويفرض كلمة مصر على الجميع.
من الأخر المصريين شافوا في السيسي البطل القوي والرئيس العنيد والحاكم اللي مش بيهمه حاجة طالما ماشي صح.. رئيس بقلب أسد مايهمهوش عواقب اي قرار طاما في صالح المواطن والدولة، ورغم كده المصريين كان ليهم حالات خاصة مع السيسي الإنسان وجابر الخواطر من أول فتاة التروسيكل لو انتوا فاكرين اللي استقبلها الرئيس في القصر الجمهوري وغيرها من مئات المواقف والحالات اللي الرئيس تابعها بنفسه وكلنا فاكرين الحوارات العفوية بين الرئيس والمصريين في الاسمرات وفي جوالات الشارع وهزار الرئيس مع المواطنين والبائعين وتحقيق مطالب كل اللي قابلهم في طريقه واللي عايز شقة واللي عايز مشروع واللي عاوز البلدية تبعد عنه والرئيس كان بيتابع تنفيذ القرارات دي أول بأول ومش بينسى حاجة إطلاقا ولو فاكرين مرة الرئيس كان في أسوان وفي مؤتمر وطلع شاب اتكلم على المخلفات شركة كيما وازاي الناس بتتأذي منها، وساعتها الرئيس عمل تصرف محدش كان بيتخيله إن ساب المؤتمر وخد الشاب والمسئولين وراح المكان وقال اللمسئولين المشكلة تتحل في أيام ودي عمرها ما حصلت مع الريس.
المصريين وثقوا في السيسي لأنه جمبهم في كل الشدايد وأقرب واحد ليهم لما الأمو تتأزم وفي كل مشكلة اقتصادية كان يطلع ويقول للناس متخافوش إحنا كويسين جدا وربنا معانا وياخد قرارات مهمة للتخفيف عن الناس مهما كانت التكلفة على الموازنة زي ماحصل النهاردة وانحاز للمواطن اللي بيعاني وأصدر قرارات هتنوم ملايين المصريين مبسوطين النهاردة عشان كدا فيه سر بين الرئيس وشعبه.
