تقرير صــاااادم عن مستقبل الجنيه.. الدولار هيوصل لرقم غير متوقع

زي ما قولنا لحضراتكم قبل كده أكتر من مرة ان تقارير مؤسسات التمويل الدولية عن تخفيض قيمة الجنيه مش هتتوقف وكل شوية هتلاقوا تقرير طالع من مؤسسة أمريكية او بريطانية او سويسرية او من اى دولة تانى هيقولك الجنيه قيمته هتقل والدولار هيزيدعلى الرغم من ثبات سعر صرف الجنيه قدام العملات الأجنبية في البنوك المصرية من مارس اللى فات.. وقولنا لحضراتكم سبب ده ان التقارير دي مش لله ولا هدفها المصلحة وان المال السياسي بيلعب دور في بعض التقارير اللى بتخرج عن اقتصا مصر كل فترة والسبب ان فيه دول كتيرة هتستفاد من اى خفض محتمل لقيمة الجينه مع اتجاه مصر لبيع عدد من أصولها خلال الفترة الجاية.

 
من ساعات صدر تقريرجديد عن بنك سويسري شهير توقع خفض قيمة العملة المصرية خلال الفترة الجاية ورغم ان التقرير محددش موعد معين لقرار تعويم الجنيه من جديد لكنه حدد نسبة الخفض اللى هتحصل في قيمة العملة المصرية.. فيا ترى البنك السويسرى بنى قراره على ايه ؟ وايه نسبة الانخفاض المتوقعة في قيمة الجنيه؟ وليه مصر مصممة على موقفها ورافضة تعمل اى تغيير في سعر الصرف؟ وايه علاقة كل ده بقرض صنوق النقد اللى مصر اتفقت عليه في نهاية شهر ديسمبر اللى فات؟ 
بص يا سيدي بنك كريدي سويس كشف في تقرير حديث ليه استراتيجية مصر خلال الشهور الأولى من 2023 والاعلان عن صفقات جديدة بتصل قيمتها مليار دولار  خلال الفترة القليلة المقبلة في إطار برنامج الطروحات الحكومية اللي بتنفذه الدولة في اطار خططها لتوفير سيولة دولارية لسد الفجوة التمويلية في الموازنة العامة. 
كريدي سويس زيه زي باقي مؤسسات التمويل الدولية ركز في تقريره على مصير الجنيه المصري ومستقبله قدام العملات الأجنبية الفترة الجاية وتوقع البنك أن تتضمن الإجراءات الحكومية تخفيض محتمل للجنيه ضمن برنامج الدولة لدعم السيولة الدولارية في ظل نظرة البنك السلبية المستقبلية لسعر الصرف في مصر،= بسبب تراجع تدفقات موارد النقد من بعض مصادرها واتجاهها للسوق السوداء أو الموازية.

تقرير كريدي سويس اتوقع انخفاض قيمة الجنيه بواقع 20% وقال انه كمان مش بيستبعد ان النسبة دي تزيد عن كده لو استمرت الوضاع زي ما هي كده خصوصا ان سعر الدولار وفقا للبنك السويسري  وصل لحدود 40 جنيه في السوق السودا وده في الوقت اللى هتواجه في الحكومة شوية مصاعب في جذب استثمارات أجنبية مباشرة واستثمارات المحافظ المالية لو محصلش تخفيض لقيمة الجنيه.
يعنى احنا هنا بنتكلم عن سعر للدولار هيكون حوالى 36 جنيه في البنوك والقنوات الرسمية لبيع وشراء العملة. 
وبحسب تقرير البنك السويسري لسه مش معروف موعد محدد لتغيير سعر الصرف في مصر لكن البنك شايف ان ده كده كده لازم يحصل.
وحذر كريدي سويس من تأخر خطوة التعويم وقال انه كل ما الحكومة ا تأخرت في الخطوة دي هيكون التخفيض أكبر ومخرجاته أكثر تقلبا.. وقال كمان ان التأخر في تحرير سعر صرف الجنيه أمام الدولار هيأثر على سرعة تنفيذ برنامج الطروحات الحكومية المعلن من قبل الدولة، وكمان  الـ 50 شركة اللى بتجهزها مؤسسة التمويل الدولية مستشار الحكومة في برنامج الطروحات.
الشيء الإيجابي في تقرير البنك السويسرى انه أتكلم عن ملف الديون واكد ان احتمالية تخلف مصر عن سداد ديونها ضعيفة جدا جدا لأنها بتحظى بدعم كبير من مؤسسات الإقراض والحلفاء السياسيين.

ولازم نكون عارفين ان التقارير اللى بتطلع كل فترة دي مش دايما بتكون حقيقية وبنك كريدي سويس نفسه كان أتوقع في شهر مايو اللى فات خفض قيمة الجنيه بحد اقصى شهر أغسطس اللى فات وقال ان سعر الدولار هيوصل ما بين 45 و50 جنيه وده محصلش بالعكس سعر الصرف بيشهد استقرار ملحوظ بقاله حوالى 6 شهور والحكومة نجحت في توفير سيولة دولارية كبيرة كان منها حوالى 35 مليار دولار للافراج عن البضايع اللى كان مخزنة في الموانى والبنوك طول الوقت بتوفر للشركات والمستوردين السيولة الدولارية المطلوبة. 
ومصر لحد دلوقتى مصممة على موقفها برفض تخفيض قيمة العملة المصرية من جديد وبتأكد انها مقيمة بأقل من سعرهابسبب أزمة نقص العملة الأجنبية وانه مع الخطوات اللى بتتم لتوفير الدولار الجنيه هيسترد قيمته بشكل كبير ومش هنكون مضطرين لخطوة تخفيض قيمة العملة.

وفيه برنامج ضخم الحكومة شغالة عليه لتوفير النقد الأجنبيى وهو برنامج الطروحات الحكومية واللى من خلاله مصر بتستهدف جمع حوالى 40 مليار دور على 4 سنين وفى حال نجاح البرنامج فده هيساهم بصورة كبيرة في سد الفجوة التمويلية وعجز الموازنة وهيوفر لمصر احتياطي كبير من العملة الأمريكية.