ازاي تبقى غني.. طريق الوصول للمليون الأول
الغنى والثراء حلم مشروع لأي إنسان وللأسف فيه ناس كتير بتفتكر إن وضعها المالي المتواضع من طبائع الأمور أو بحث على وسيلة لتحسين دخله المالي وفشل ووقف لغاية كده وفي مصر عندنا اعتقاد إن اللي في أيدينا هو رزقنا لكن نسبوا قاعدة دينية ذهبية وهي فريضة السعي والتعلم واكتساب المهارات ودي أهم أدوات الرزق وزيادة المال اللي ربنا سبحانه وتعالى أمرنا نسعى فيها في الأرض.. ايه اللي بيخلي إنسان فقير وانسان غني ..هو سبب واحد الأخذ بالاسباب والسعي لتحسن ادواتي الشخصية والمحاولة المستمرة وتعلم المهارات.
هنضرب مثال على اتنين صحاب اتخرجوا من نفس الكلية ولتكن تجارة واحد استنى الوظيفة أو اشتغل بالمؤهل بتاعه في وظيفة حكومية عادية والتاني اشتغل على نفسه كورسات ولغات ومحاسبة وعرف كل جديد في النظم الحسابية والمعلوماتية واشتغل في بنك كبير وبعد كام سنة الخريج الأول استمر في الوظيفة الميري والتاني بقى عنده شركة أوراق مالية وبقي مليونير وبيدير محافظ شركات بالملايين والتاني بيستنى المرتب آخر الشهر.
واللي منعرفهوش كتير في مصر إن اكتساب الثروات دا علم ولي قواعد والتزم بيها أهل المال والملايين وأولها السعي لتحقيق حلمهم والييانات والإحصاءات بتقول إن 80% من المليونيرات العصاميين بيسعو وراء حلم أو شيء كانوا شغوفين به وإن 67% يكتبون أحلامهم وأهدافهم وإن 62% ركزوا على أهدافهم كل يوم تقريباً.
تاني حاجة الانخراط في التحسين الذاتي اليومي و88% ملتزمون بـ 30 دقيقة أو أكثر من القراءة للتثقيف الذاتي و 54% ركزوا على محاولة تحسين مفرداتهم وحوالي 86% كانوا مهتمين بتعلم أشياء جديدة و76% مارسوا التمارين الرياضية لمدة 30 دقيقة أو أكثر يومياً، لمدة أربعة أيام في الأسبوعويشمل أيضاً الحفاظ على صحة جيدة، مما يساهم في زيادة الإنتاجية والأرباح.
ومن أسباب تحقيق الثروة التفكير الغني والمقصود بيه التفاؤل، والتوجه العقلي الإيجابي، ورؤية التحديات بشكل عام على أنها فرص وإن 79% يعتقدون أنهم مسؤولون عن ظروفهم في الحياة و94% يعتقدون أن الجينات ليس لها علاقة بالنجاح أما 90% بياكدوا إن الذكاء لا علاقة له بالنجاح و 78% بيعتقدوا إن الأثرياء طيبون، ومحسنون، ومجتهدون، وصادقون.
السبب التالت للثراء هو متابعة حلمك وأنجح الأشخاص في العالم اللي بيسعون وراء شغفهم والمغامره والتعلم باستمرار والقراءة الجيدة وتطبيق حصيلة العلم على العمل والمثابرة والإرادة القوية.
