ليه مصر بتبني أكبر مخازن للسلع في الشرق الأوسط؟ الحكومة خايفة من إيه؟
من فتر قريبة الحكومة أعلنت عن انشاء مستودعات ضخمة في عدد من المحافظات المصرية عشان تخزن فيها كميات كبيرة من السلع الاستراتيجية ووفقا للمخطط المعلن فكل مستودع هيخدم من ٤ إلى ٦ محافظات.. فيا ترى ايه سبب انشاء المستودعات دي ؟ وايه اللي حكومة خايفة أنه يحصل الايام الجاية؟ وايه أهمية المستودعات دي أصلا؟
من ساعات قليلة وضع وزير التموين على المصيلحي حجر أساس مخزن استراتيجي في محافظة الأقصر على مساحة 10 أفدنة باستثمارات 1.5 مليار جنيه، وهيخدم المخزن 5 محافظات في تأمين احتياطي استراتيجي لأكثر من 30 سلعة أساسية وتموينية.
و المخزن الاستراتيجي المقرر إنشاؤه بمحافظة الأقصر هيخدم محافظة الأقصر وأكثر من 4 محافظات مجاورة في صعيد مصر وهيوفر كميات كبيرة من السلع للمواطنين.
وفكرة انشاء المستودعات الاستراتيجية واحدة من دعائم منظومة التجارة الداخلية والأمن الغذائي واللي هدفها تأمين احتياجات المواطنين من السلع تامة الصنع والجاهزة للاستخدام لفترات طويلة.
وبتتميز المستودعات الجديدة بأن إنشاءها وتشغيلها بيتم وفق مواصفات فنية عالمية وبتتوافق مع النظم التكنولوجية عالية المستوى لضمان تحقيق أهداف التنمية المستدامة ومبادئ الحوكمة من خلال الاستغلال الأمثل للمخزون ولضمان توفير بيئة مناسبة للحفاظ على السلع من التلف أو الفقد أو الهدر، كمان إنشاء المستودعات الاستراتيجية هيعزز من زيادة المخزون السلعي للمنتجات على مدار العام وهيعمل نقلة نوعية في منظومة التجارة الداخلية.
و إنشاء المخازن دي هيمكن وزارة التموين وأجهزتها من معرفة كميات السلع المخزنة وتحديد نوع وحجم المنتجات اللي الناس بتحتاجها وده هيساهم في ضبط منظومة التخزين ومنع أي نوع من التلاعب باباضافة لسهولة الجرد ومعرفة الأرصدة في جميع المحافظات وكميات السلع المتوفرة، وكمان الوقوف على أنواع وأحجام السلع اللي بتحتاج لإمدادات جديدة وده هيضمن تأمين احتياجات البلاد لأكتر من 30 سلعة أساسية وتموينية
ووقعت الحكومة مؤخرا عقود إنشاء 4 مستودعات بمحافظات السويس والأقصر والفيوم والشرقية كمرحلة أولى عقب البت في العروض الفنية والمالية للشركات المؤهلة وبعدها هيتم البدء في تنفيذ المرحلة التانية.
وطبعا التفكير في انشاء المخازن أو المستودعات الجديدة جه بعد العجز الكبير في سلاسل إمداد السلع بعد الحرب الروسية الاوكرانية والارتفاع الكبير اللي حصل في أسعار السلع والحكومة بتأمن نفسها بالمخازن لأي حدث طاريء أو مشكلة كبيرة ممكن تحصل في اي وقت.
