اكتشاف 4 كنوز دولارات جديدة.. إيه اللي بيحصل في البحر المتوسط؟
من كام يوم وزير البترول طارق الملا عمل اجتماع مهم جدا مع شركة بريتش بتروليوم البريطانية المتخصصة فى اكتشافات الغاز الطبيعي .. وخلال الاجتماع الشركة شرحت خطتها للاستثمار فى مصر والتوسعات اللى هتعملها الفترة الجاية وكمان حجم الاستثمارات اللى هتضخها فى السوق المصرية.. وخلال الاجتماع ده تم الكشف عن 4 كنوز جديدة هتدخل لمصر مليارات الدولارات وهتساهم فى حل أزمة نقص العملة اللى بتعانى منها مصر.. فيا ترى ايه حكاية الكنوز دي ؟ وامتى هيتم الاعلان عنها بشكل رسمي؟ ومصر هتستفاد ايه من التعاون مع الشركة البريطانية؟
بريتش بتروليوم البريطانية اللى بتعتبر واحدة من أكبر الشركات العالمية بتستعد حاليا لبدء حفر 4 آبار استكشافية جديدة للغاز الطبيعي في مصر في الربع الرابع من 2023.
وخلال زيارة قصيرة لمصر عقد برنارد لونى الرئيس التنفيذي للشركة جلسة مباحثات مع وزير البترول والثروة المعدنية وعرض خطط بريتش بتروليوم لضخ الاستثمارات في مجال الغاز الطبيعي بمناطق عمل الشركة في مصر بالبحر المتوسط، وموقف أنشطة وبرامج الاستكشاف والحفر اللي بتنفذها .
وهيصل حجم الاستثمارات اللي هتخضها الشركة البريطانية في مصر مع شركاؤها في مجال استكشاف وتنمية موارد الغاز الطبيعي لحوالي 3.5 مليارات دولار خلال ال 3 سنين الجايين والرقم ده مرشحة للضعف حال النجاح في تحقيق اكتشافات جديدة
وفيه خطة واستراتيجية لتطوير استثمارات بريتش بتروليوم في مصر والتوسع في تطوير موارد الغاز الطبيعي بعد الاستقبال الكبير والترحيب من الرئيس السيسي بالشركة وتقدير حجم جهودها فى مصر وده اللى أعلنت ععنه رئاسة الجمهورية بعد لقاء الرئيس السيسي بالرئيس التنفيذي للشركة.
وبتعتزم بريتش بتروليوم حفر 4 آبار استكشافية جديدة للغاز الطبيعي في الربع الرابع من العام الحالي 2023 بواقع بئرين بحقل ريفين غرب البحر المتوسط بمنطقة شمال الإسكندرية، وبئرين بمنطقتي شمال كينج مريوط وشمال غرب أبو قير بالبحر المتوسط وهي أحدث المناطق اللي الشركة بتستثمر فيها و تم الانتهاء من أعمال المسح السيزمي ثلاثي الأبعاد بتقنية متقدمة لمنطقة امتداد شمال الطابية البحرية وجار معالجة البيانات والتقييم .
و الشركة البريطانية بتستثمر حاليا كمٌشغل رئيسي بنجاح في حقلي غاز أتول ورأس البر في شرق البحر المتوسط إلى جانب حقل ريفين في غرب المتوسط ، وبدأت كمان ضخ الاستثمارات وبرامج عمل للاستكشاف في مناطق شمال كينج مريوط وشمال غرب أبو قير وشمال الطابية البحرية .
وطبعا الابار الجديدة دي لما تبدا الانتاج الفعلى هتدخل لمصر مليارات الدولارات من كميات الغاز اللى هيتم تصديرها للخارج والاستفادة بيها فى حل أزمة نقص العملة وتوفير النقد الأجنبي.
