مفاجأة الـ نايت فرانك.. ايه حكاية الـ120 مليار دولار اللي جايين مصر
رغم الأزمة الاقتصادية الصعبة في مصر بسبب الظروف العالمية لكن كل المؤشرات بتقول إننا خلاص قربنا من نهاية النفق المظلم وإن اللي جاي استثمار ووفرة واستقرار في الاسعار.. ياترى ايه حكاية الاستثمارات الضخمة اللي جاية مصر وإيه هو اللي قالته النايل فرانك وإزاي مصر هتبقى عاصمة العالم في الاسكان الفندقي والفاخر في العالم.
مفيش شك إن قطاع العقاارات في مصر هو اللي بيقود الاقتصاد وبيشغل آلاف المصانع وراه وملايين العمال والحرفيين والفنييين والمهندسين والشركات عشان كده سموه صناعة مش مجرد قطاع وعشان كده بردو مصر عرفت وبدأت تجري في استثمار تصدير العقار وهو استثمار ممكن يدخل مليارات الدولارات وأكتر من قناة السويس لخزينة البلد.
ليه رجعنا نتكلم عن العقار نهاردة... عشان حضرتك القطاع دا بقى مستقبل وملهوش حدود ومليان فرص واتحط على الخريطة العالمية بعد اللي حصل في العلمين الجديدة والعاصمة الادارية وشرم الشيخ والجلالة وموسم السياحة الاستثنائي وعشان بردو اللي قالته النهاردة نايت فرانك.. حد هيسأل إيه هو النايت فرنك دا.. هقول لحضرتك دي شركة وشبكة استشارات عقارية وعالمية مهمتها تسويق وابراز أهم وجهات الاستثمار العقاري في العالم وتقدر تقول عليها كده فوربس بتاعة العقارات.. المهم النايت فرنك علقت من كام ساعة على تقرير "إفريقيا هورايزونز" لعامي 2023/2024، بتحليل شامل سلط الضوء على التعافي الملحوظ اللي شهدته قارة إفريقيا بعد الجائحة، مع التركيز على نهضة مصر.
وقالت الشبكة العاليمة إن فيه اهتمام عالمي جديد بدأ يظهر بخصوص إفريقيا، والتزامات استثمارية ضخمة من الدول الكبرى، ومنها تخصيص بريطانيا 2 مليار دولار لمشاريع مستدامة عبر القارة الافريقية، بالإضافة إلى المشاركات من قوى عالمية تانية في تسليط الضوء على جاذبية مدن رئيسية زي لاجوس، ونيروبي، والقاهرة، وجوهانسبرج، وأكرا.
واللي يهمنها هنا هو تركيز التقرير على سوق العقارات في مصر، وعلى وجه الخصوص مدينة القاهرة، كفرصة متميزة للاستثمار، وإنه تم إضافة سوق مصر حديثاً إلى شبكة نايت فرانك في إفريقيا، كأحد أهم أسواق شمال إفريقيا.
وكشفت النايت فرنك إن فيه صناديق ثروة سيادية في منطقة الشرق الأوسط عندها خطط لضخ حوالي 120 مليار دولار أمريكي في مصر ودا دليل على ثقتها الكبيرة في نمو سوق مصر.
زينب عادل، الشريكة، ومديرة مكتب نايت فرانك في مصر قالت إن اندماج مصر في شبكة النايت فرانك في منطقة الشرق الأوسط وأفريقي. مع تعداد سكاني يتجاوز 109.3 مليون نسمة، تعتبر مصر فرصة مغرية، وفي قلب الأرض التاريخية، مصر عندها فرص استثنائية مع سوق دول مجلس التعاون الخليجي ومشتري منطقة الشرق الأوسط على حد سواء، وقالت إن مصر بتجمع بين تراث غني وموقع جغرافي استراتيجي، واقتصاد مزدهر، ودا هيخليها في صدارة الوجهات الاستثمارية.
خلاصة التقرير إن صناعة العقار في مصر منجم مليارات مع الميزة الجديدة اللي خدتها مصر وهي دخولها ضمن الاسواق العالمية المستهدفة، ودا مجاش بالساهل على فكرة لان مصر اشتغلت على البنية التحتية الحديثة والمشروعات اللي جذبت العالم ليها زي العلمين الجديدة وشبكة الطرق ودا عمل جذب للمستثمرين وعلى سبيل المثال الإمارات في سنة 2021 استثمرت في 71 مشروعاً بقيمة 5.6 مليار دولار والرقم دا كان بيعادل دخل قناة السويس في سنة من السنين.
