اوعوا تنسوا وعد السيسي.. مفاجأ مصر للعالم في ملف الدولار؟

في الكام يوم اللى فاتوا وبسبب مجموعة من التقارير الدولية عن وضع الاقتصاد المصري وعن مستقبل الجنيه رجع الكلام تانى عن مرونة سعر الصرف وعن توقعات خفض قيمة العملة المحلية أمام العملات الأجنبية.. وبعض التقارير قالت ان سعر الدولار على اخر 2023 هيوصل ل 37 جنيه وصاحب التقارير دي طبعا تحرك في السوق السودا للدولار اللى بتتأثر بأى أخبار سلبية عن مستقبل الجنيه.. فيا ترى هل تخفيض قيمة الجنيه جاى جاي ولا ممكن مصر تفاجيء العالم كله وتصمم على موقفها وايمانها بقوة عملتها وانها مقومة بأقل من سعرها في السوق؟ وايه علاقة ده بكلام السيسي عن الدولار وعن مرونة سعر الصرف؟
 
اللى متابع اللى بيحصل في السوق الموازية لسعر الصرف في مصر هيعرف انه شهدت تحركات ملحوظة خلال الساعات الللى فاتت بعد صدور تقاير دولية اتوقعت اتجاه الحكومة المصرية لتخفيض جديد في قيمة العملة.
وارتفع سعر دولار السوق السودا مع إعلان وكالة "موديز" وضع التصنيف الائتماني السيادي لمصر، تحت المراجعة السلبية، لمدة 3 شهور  إضافية في ظل نقص السيولة بالعملة الأجنبية بالتزامن مع مدفوعات الدين الخارجي الكبيرة خلال السنتين الجايين. 
موديز قالت ان استمرار نقص سيولة النقد الأجنبي زي ما هو واضح  من السوق السودا على الرغم من تحسن فجوة الحساب الجاري وتأثير شروط صفقات التبادل التجاري الجديدة على قطاع الغذاء والطاقة بيزيدوا من احتمال خفض قيمة الجنيه في السوق الرسمية، وده هينتج عنه زيادة التضخم، وتكاليف الاقتراض، ونسبة الدين الحكومي العام.
مش بس موديز اللى قالت كده تقرير ستاندرد بورز أتوقع هو كمان انخفاض سعر صرف الجنيه أمام الدولار خلال الفترة القادمة، لينهي 2023 عند مستوى 37 جنيه للدولار في السوق الرسمية وده خلا الجنيه يتراجع أم العملة الأمريكية بالسوق السودا و تجاوز الدولار مستوى الـ 40 جنيه لأول مرة من أسابيع طويلة.
وزي ما كلنا بقينا عارفين فتعويم سعر صرف الجنيه أمام العملات الأجنبية واحد من أهم شروط صندوق النقد اللي تم الاتفاق عليها مع الحكومة وللسبب ده لسه محصلتش المراجعة الأولى اللى كانت المفروض تتم في مارس الماضي زي ما كان مخطط ليها وفقًا لتقديرات الخبراء.
وبشكل عام بيتراجع الدولار في السوق السوداء كلما كانت هناك أنباء مطمئنة حول وضع الاقتصاد المصري أو صدور توقعات من مؤسسات وبنوك دولية تفيد بعدم تراجع الجنيه في القريب العاجل، وبيرتفع العرض ويقل الطلب في الحالة دي والعكس صحيح بيرتفع الدولار ويزداد الطلب كلما كانت الأنباء سلبية وغير مطمئنة.
ده بالنسب للتقارير الدولية .. طب ايه موقف الحكومة المصري؟
لو حضراتكم فاكرين الرئيس عبدالفتاح السيسي كان طلع من فترة واتكلم بنفسه عن أزمة الدولار وسعر الصرف وقال ان مصر بتطبق سعر صرف مرن لكن لو ده هيأثر بالسلب على حياة المصريين وهيضرهم فمصر مش هتعمل كده حتى لو ده تعارض مع اشتراطات صندوق النقد .. وده يفسرلك ليه مصر لحد دلوقتى رافض أي تحريك في سعر الجنيه لأن اى تخفيض في قيمة العملة المصرية هيكون ليه تداعيات كبيرة جدا على الأسواق وعلى أسعار السلع اللى هي أصلا وصلت لمستويات قياسية محصلتش قبل كده
وعشان كده مش بعيد مصر تعمل مفاجأة وترفض كل الضغوط اللى بتتطالب بمزيد من تخفيض قيمة الجنيه والحكومة حاليا بتحاول بكل الطرق توفير سيولة دورية تهدي السوق السوق السودا لأن وجود سعرين للدولار في مصر عامل أزمة كبيرة خصوصا فيما يتعلق بالاستثمارات الأجنبية المباشرة لأن مفيش مستثمر هييجي يحط فلوسه في سوق هو مش عارف قيمة العملة بتاعته كام ولا يعرف هل هيحصل تخفيض ليها ولا لأ.