وعد السيسي يتحقق.. تراجع قياسي للدولار أمام الجنيه

لو فاكرين الرئيس عبدالفتاح السيسي كان طلع من حوالى 4 شهور كده واتكلم عن أزمة نقص الدولار  وقال أنها قريب جدا هتبقا من الماضي وهتعدي زيها زي اي أزمة مرت بيها مصر على مدار تاريخها وفيه ناس شككت وقالت ان مصر مش هتقدر تعدي والبنوك هتفلس والاقتصاد هينهار ومع كل تحرك في سعر الدولار ناس كتير كانت بتشكك في كلام الريس وبتقول الدنيا هتبوظ وازمة العملة الأمريكية هتستمر وهتتفاقم.. بس اللي حصل في آخر ٢٤ ساعة بيقول ان نبوءة السيسي عن الدولار هتتحقق قريب جدا.. فياترى ايه اللي حصل خلانا نقول كده؟ وايه تأثيره على أسعار الصرف في مصر؟ وهل اسعار الدولار هتزيد ولا هتنخفض الأيام الجاية؟

أحدث بيانات للعقود الآجلة غير القابلة للتسليم  أجل 3 شهور اكدت  تسجيل الدولار مستوى الـ 31.9 أمام الجنيه في اخر تحديث لأسعار العقود الاجلة بعد ما اقتربت من مستوى الـ 40 جنيه للدولار الواحد في أبريل اللي فات.
ولعقود الآجلة هي عقود بتتم بين طرفين و كل طرف بيحط رهانه في  العقد على السعر اللي هيوصل ليه الجنيه بعد سنة من دلوقتي لو كانت لأجل 12 شهر وللسبب ده اتسمت اجلة يعني مش بتحصل دلوقتي.
يعني على سبيل المثال لو اشتريت جنيه بعقد آجل لمدة سنة بسعر 40 جنيه للدولار الواحد، وبعد مرور السنة لو كان سعر الدولار 50 جنيه هتحقق ربح كبير أما لو فضل زي ما هو أو انخفض دون الـ 40 فلن تحقق أي أرباح.
وبالتالي لو توقعت  العقود ارتفاع بالدولار ده  بيدل  على أن فيه مخاطر تحيط بالجنيه المصري، والعكس صحيح.

و في حالة الجنيه المصري عن عقود آجلة غير قابلة للتسليم، واللي بتعتبر مجرد أداة تستخدم عموما للتحوط أو المضاربة على العملات عندما تزيد ضوابط الصرف من صعوبة تداول الأجانب في السوق الفورية مباشرة
و بيختلف العقد الآجل غير القابل للتسليم عن العقد الآجل العادي في انه لا توجد تسوية فعلية للعمليتين عند حلول موعد الاستحقاق.

وغالبًا بتقوم البنوك الاستثمارية الكبرى وصناديق التحوط العالمية باستخدام العقود الآجلة وبتتداولها منصات إلكترونية دولية، و بيتم استخدامها عندما تواجه عملة ما تقلبات في أسعارها وبيتم وضع سعر مستقبلي متفق عليه بين الطرفين يحمي من خلاله المستثمر أرباحه واستثماراته وبيحصل ده غالبًا بالعملات غير المحررة بشكل كامل.

وغالبا كان بيتم تسعير سعر الدولار في السوق السوداء على سعره في العقود الآجلة وعشان كده لما سعر الدولار عدا ال ٤٠ جنيه في العقود الآجلة السعر وصل للرقم نفسه في السوق السودا وعشان كده متوقع انهيار كبير في سعر الدولار في السوق الموازية الفترة الجاية بعد ما لامس السعر الرسمي للبنوك في العقود الآجلة.
وبكده زي ما قولنا لحضراتكم أزمة الدولار هتنتهي لان السعر الرسمي هيبقا زي سعر السوق السودا.