مشروع هيقلب سوق الذهب.. إيه علاقة تركيا بالموضوع؟
كلنا عارفين ان سوق الدهب فى مصر فيه فوضى كبيرة وحيتان الصاغة بيتلاعبوا بالأسعار زي ما هما عايزين وده خلا فيه فرق ضخم جدا بين سعر الدهب فى مصر والسعر العالمي للمعدن النفيس والحكومة بتحاول بكل الطرق تنهى على الفوضى دي وترجع الهدوء والاستقرار لسوق الدهب وعشان كده عملت قانون بيسمح للمصريين المقيمين فى الخارج بادخال اى كميات من الدهب من غير جمارك ولا رسوم.. مش بس كده فيه مشروع الحكومة شغالة عليه لو تم على خير هيقلب سوق الدهب فى مصر.. فيا ترى ايه المشروع ده ؟ وايه تاثيره على اسعار الدهب؟ وايه علاقة تركيا بالموضوع؟
شعبة صناعة الذهب والمجوهرات والمعادن الثمينة باتحاد الصناعات المصرية كشفت عن تعاون كبير جدا بينها وبين شعبة الدهب فى تركيا وقالت أانه في ضوء عودة العلاقات السياسية بين مصر وتركيا بدأت مباحثات لتعزيز التعاون الاقتصادي ولاسيما في قطاع الدهب والمجوهرات.
وبتتميز شعبة الدهب التركية بسمعه جيدة عالميا في صناعة الحلى والمجوهرات و بتحتل المرتبة التالتة كأكبر مُصدر للمجوهرات فى العالم وهي من ضمن قائمة العشرة الكبار المستوردة للدهب المصري.
وفيه وفد مصري من شعبة الدهب زار تركيا مؤخرا لتعزيز التعاون التجاري في قطاع الدهب والمجوهرات، وبحث مع عدد من كبار المصنعين ومصممي المجوهرات سبل الارتقاء بصناعة الذهب المصرية، وإقامة صناعات مشتركة باستغلال خام الدهب المصري في تنصيع مشغولات ذهبية بعد الاستعانة بالخبرات التركية وتصديرها تحت مسمي العلامة التجارية صنع في مصر وتركيا ليعطي دفعة لصادرات المشغولات الذهبية المصرية بالأسواق العالمية.
والتقى الوفد ب عدد من كبار مصممي المشغولات والمجوهرات التركية واستعرضوا احدث تصماميتهم العالمية، والتظور العالمي في تصميم المشغولات في ضوء عصر الذكاء الاصطناعي.
وهيتم تنظيم بعثات لزيارة مصر لنقل الخبرات والمساعدة في تطوير اداء مصممين الذهب للارتقاء بتصمايمه لتناسب الاذواق العالمية ومن خلال الزيارات دي هيتم الاستفادة من الخبرات التركية في مشروعات تطوير ورش الدهب الصغيره وتحديث العمل فيها لاسغلال مهارات المصنعيين في الورش الصغيره في مصر و تنشيطها علي غرار ايطاليا و تركيا.
وتم الاتفاق كمان على توسيع مشاركة الشركات المصرية، في معارض الذهب والمجوهرات اللى بتقام بفي تركياخاصة وأن المعارض دي بتشهد حضور واسع من كبار شركات الذهب والمجوهرات حول العالم وده هيفتح اسواق جديدة امام صادرات مصر من المشغولات الذهبية وكمان هيزيد من انفتاح الشركات على المتغيرات العالمية في قطاع الذهب والمجوهرات.
