اية هي الحالات اللي البنك يوافق فيها على إنها يطلعلك كارت مشتريات

بيجلنا سؤال مكرر.. وهو امتى أقدر أعمل كارت مشتريات.. يعني اية هي الحالات اللي يتعمل فيها كارت المشتريات من البنك.

بص يا فندم وركز معايا.. أنت تقدر تعمل كارت المشتريات في اكتر من حالة

أولًا لو ليك شهادة أو وديعة في البنك.. فتقدر تعمل كارت المشتريات.. لأن مضمون أن البنك يخصم من فلوسك اللي عنده في حالة أنك تخلفت عن السداد

والحالة التانية هو أن يكون مرتبك محول على البنك.. ووقتها بيكون ضامن أنك ماتقدرش تزوغ وتسدد الفلوس اللي أنت سحبتها من كارت المشتريات

والحالة التالتة هو أنك تكون عملت حركات كتير على الحساب بمعنى أنك عملت سحب وإيداع اكتر من مرة.. ودي حاجة إيجابية في إن يتعملك كارت مشتريات

آخر حالة بقى هو أن البنك ممكن يعملك كارت مشتريات بضمان عضوية النادي.. بس لما يكون نادي كبير ومحترم.. فأكيد يعني مش هاتكون عضو في النادي الأهلي أو هيلوبلس وهاتخد فلوس من كارت المشتريات وماتسددهاش