الاستثمار الأجنبي في مصر بلغ 11.4 مليار دولار.. يا ترى اية السبب؟؟
في مصر.. ارتفع حجم الاستثمار الأجنبي المباشر في مصر إلى 11.4 مليار دولار مقابل 5.2 مليار العام الماضي.
طيب يا ترى اية اللي اتغير وخلى في إقبال كبير على الاستثمار كدا
خلونا نشاور على اللي قاله عدد من المتخصصين في الاقتصاد لـ بانكير.. واللي أكدوا أن ارتفاع الاستثمارات المحلية والأجنبية في مصر بسبب وجود سياسات استثمارية مواتية ومحفزة، ودا بعد ما قامت الحكومة بتبسيط الإجراءات البيروقراطية وتحسين بيئة الأعمال من خلال تقديم حزمة من الإصلاحات الاقتصادية والتشريعات الجديدة اللي بتهدف إلى تشجيع الاستثمار الأجنبي، واللي منها إنشاء هيئة استثمار مصر لتوفير دعم ومساندة للمستثمرين.
كمان لازم نشاور على اللي حصل في البنية التحتية المتطورة .. واللي ساهمت في جذب الاستثمارات الأجنبية، خاصة إن مصر استثمرت في تحسين البنية التحتية بما في ذلك الطرق والموانئ والمطارات والشبكات اللوجستية.
دا غير إن مصر عندها قوة عاملة مؤهلة.. واللي بدورها ساهمت في جذب الاستثمارات الأجنبية، خاصة إن مصر بتحظى بقاعدة جيدة من العمالة الماهرة والمتخصصة في مجالات مثل التكنولوجيا والهندسة والطب..
مهم نشاور على اللي قدمته مصر في تطوير القطاعات الواعدة والمستقبلية لجذب الاستثمارات الأجنبية. واللي بتتضمن قطاعات مثل الطاقة المتجددة، وتكنولوجيا المعلومات والاتصالات، والصناعات الثقيلة، والسياحة، والزراعة، واللي بتوفر فرص كبيرة للاستثمار.
