إيه المشروع اللي هينقذ مصر؟

مصر من بعد الحرب الروسية الأوكرانية وكل أفكارها اتغيرت.. وبقا فيه اهتمام بالإنتاج بكل أنواعه.. وطبعا على راسه الإنتاج الزراعي لأن الأيام الجاية اللى مش هيملك قوته بالبلدي كده يبقا ناوي على موته.. والرئيس السيسي بنفسه بيشرف على واحد من أهم الملفات الللي تهم حياة ملايين المصريين لأنه متعلق بحياتهم اليومية ولو مصر نجحت انها تعمل اللى بيخطط ليه السيسي هتضمن انها تعدي من أي أزمة جاية وهتحل مشكلة الدولار في ظرف كام سنة.. فيا ترى ايه المشروع العملاق اللى السيسي بيتابعه بنفسه دقيقة بدقيقة؟ وازاى ممكن ينقذ مصر في زمن المجاعة ؟ وامتى المشروع ده ممكن يظهر للنور؟ 
 
مصر شغالة على مشروع ضخم جدا هيعمل نقلة كبيرة في اقتصادها وهيأمن للمصريين احتياجاتهم من الغذاء ومش هيخلى مصر تحت رحمة أي دولة في العالم وهتكون مستعدة لمواجهة اى حاجة ممكن تحصل حروب او فوضى في أي مكان يعنى بالبلدي كده اللى حصل بعد الحرب الروسية الأوكرانية مصر لو عملت المشروع بتاعها ده مش هيكون ليه تاثير علينا ولا هنحس بيه.. إزاي ده اللى هنشرحولك في الفيديو ده النهاردة 
بص يا سيدي بتعليمات وتكليف مباشر من فخامة الرئيس السيسي الحكومة شغالة حاليا في تنفيذ مشروع "الدلتا الجديدة" بمساحة تصل إلى 2 مليون و200 الف فدان، والمشروع ده بيستهدف زيادة رقعة الأراضي الزراعية وتأمين غذاء المصريين من السلع الأساسية وضمن المشروع ده مصر بتعمل أكبر نهر اصطناعي في العالم لإمداد المشروع بالمياه خصوصا ان المشروع بيقام على مساحة شاسعة من الأراضي الزراعية.
المشروع القومي لتنفيذ "الدلتا الجديدة" اللى الحكومة شغالة عليه بيشتمل على مشروعين مشروعين المشروع الأول أطلق عليه "مستقبل مصر" والتاني مشروع "جنوب محور الضبعة" للتوسع في زراعة المحاصيل الاستراتيجية بشكل يساهم في خفض فاتورة الاستيراد، اللى تفاقمت بسبب الحرب في أوكرانيا وأدت الى ظهور أزمة نقص العملة الأجنبية اللي بتعاني منها مصر في السنة ونص الأخيرة.
المشروع الضخم ده بيحظى باهتمام كبير من الرئيس عبدالفتاح السيسي وبيتابع ادق تفاصيله بنفسه وبيراهن عليه لحل أزمات مصر وتأمين غذاء المصريين ومن خلال المشروع ده السيسي هيضرب أكتر من عصفور بحجر واحد .. أولا هيحقق الهدف الاستراتيجي بإضافة مساحات جديدة من الرقعة الزراعية لتنمية الموارد الاقتصادية الزراعية وثانيا هيحقق الأمن الغذائي ويقلل فجوة الاستيراد..  وثالثا هيقدر يعمل مجتمعات عمرانية وزراعية وصناعية جديدة تساهم في استيعاب الزيادة السكانية وإضافة المزيد من فرص العمل وزيادة الدخل للمواطنين.
حد هيسأل ومصر هتجيب منين مياه للمشروع الجديد وازاى هتقدر تعمر الصحرا؟ وايه اللى يضمن ان المشروع ده ما يحققش هدفه زي المشروعات الكبيرة اللى سمعنا عنها قبل كده زي توشكى وترعة السلام وغيرهم؟ 
والحقيقة ده سؤال مهم .. وخلونا نقول لحضراتكم ان المشروع ده متعوب عليه جدا ومصر عملتله كل دراسات الجدوى واتجهزلوا صح وكمان اهتمام الرئيس بيه مخلي كل حاجة بتتعمل صح وبتاخد وقتها
وعشان تتطمنوا اكتر هنقول لحضراتكم شوية معلومات عن النهر الصناعى اللى مصر بتشقوا في قلب الصحراء لتأمين احتياجات المشروع من المياه .. وازاى هيتم إعادة استخدام مياه الصرف الزراعي بطريقة آمنة دون إهدار للمياه، وإعادة توجيهها ونقلها للأماكن الزراعية بالمشروع.

اما عن طبيعة مشروع نقل المياه فبيشمل مسار وحيد لإيصال المياه للمشروع بطول 174 كلم، بينقسم بين ترع مكشوفة ومواسير مغطاة للحفاظ على المياه من الفقدان".
"والمسار عليه 12 محطةرفع  مياه ومحطة معالجة كبيرة في منطقة "الحمام"، ليصبح إجمالي المياه المتدفقة بقدرة 7.5 مليون متر مكعب يوميا؛ مما يجعلها أكبر محطات معالجة مياه الصرف الزراعي على مستوى العالم"

"والتكلفة الإجمالية لأعمال نقل المياه لمشروع الدلتا الجديدة هتوصل إلى 60 مليار جنيه، بما يشمل محطات الرفع والمعالجة وإنشاء الخطوط.
مش قولنا لحضراتكم المرة دي كل حاجة مدروسة بعناية ومفيش حاجة متسابة للظروف.. وباذن الله المشروع ده ينجح وينقل مصر في حتة تانية خالص