من أين لك هذا؟.. سؤال هاتتسأله في البنك لما تيجي تعمل إيداع.. ودي لازم تكون الإجابة

أكيد لما يكون معاك فلوس.. بتروح البنك وبتعمل إيداع بالمبلغ اللي معاك.. وقت لما تيجي تعمل إيداع بقى.. احتمال كبير تتسأل سؤال غير متوقع

وهو أن موظف البنك يسألك ويقولك.. من أين لك هذا؟؟

ووقتها ماتستغربش.. لأنه عمره ما هايسألك السؤال دا إلا إذا كان المبلغ كبير

والسؤال دا بيتسأل في حالتين.. الأولى هو أن دخل وظيفتك لا تتناسب مع مقدار المبلغ اللي هاتعمله إيداع.

وكمان ممكن تتسألهفي حالة كان العميل موظف في الحكومة وتم الإبلاغ عنه من قِبل جهات اعتبارية أو أفراد.

وعلشان يكون عندك رد مقنع لازم يكون معاك مستندات تثبت مشروعية المبلغ اللي هاتعمل بيه إيداع.. يعني لو كان المبلغ نتيجة بيع عربية يكون معاك عقد البيع.. لو كان نتيجة بيع أرض يكون معاك عقد البيع.. لو نتيجة بيزنس ناجح يكون معاك ورق يثبت دا.