هروب جماعي من السوق السوداء للدولار انهيار جديد يضرب الموازية

حالة من الفوضى والصدمة بتسيطر على السوق السوداء للدولار بعد هزات عنيفة جابت الدولار الأرض منها وفرة المعروض ومفاجآت مدبولي امبارح في مؤتمر الطروحات الحكومية وتوقعات التدفقات الدولارية.. ايه اللي حصل نهاردة في سوق العملة السوداء.
خساير بالملايين وكله بيبيع وبيتخلص من الدولار اللي عنده .. وخسارة قريبة ولا مكسب بعيد.. دا لسان حال تحار السوق السودا للدولار نهاردة الاربعاء بعد ساعات من تصريحات رئيس الحكومة واللي أكد فيها إن مصر بتستهدف 200 مليار دولار تقريبا خلال سنتين او تلاتة وكمان إعلانه عن جمع 2 مليار دولار من بيع حصص الشركات الحكوميه في برنامج الطروحات الحكومية والإعداد لطرح حوالي 50 شركة في مرحلة تانية.
بيقولوا خبطتين في الرأس توجع لكن السوق السوداء أتلفت 10 خلطات في الساعات الأخيرة منها إعلان انتهاء الأزمة بشكل غير مباشر وإن الدولار خلاص مبقاش ورقة ضغط على الحكومة والدولة بعد ارتفاع تدفقات الدولار من كل قطاعات الدولة  وكمان انتهاء موسم الحج واللي فيه بيزيد الطلب على العملة الأمريكية وكمان عودة المصريين بالخارج لقضاء إجازاتهم وكل دا سبب خساير فادحة لتجار العملة مع انهيار الطلب على الدولار من السوق الموازية وتراجع الأسعار لدون 34و 33 جنيه للدولار في بداية تعاملات الاربعاء وعلى اخر النهار متوقع انهيار جديد في الأسعار واقترابه بشدة من سعر البنوك الرسمي.
وعشان نعرف قد إيه الأسعار انهارت في السوق السوداء بمقارنة بسيطة كان وصل حاجز 40 جنيه من كام اسبوع والمهارة بنتكلم في اقل من 33 جنيه يعني خسر 7 جنيه في مدة قصيرة وطول مافيه قلة طلب وتوافر معروض في البنوك الرسمية وانتهاء مشكلات المستوردين والشركات أسعار الاخضر هتنهار اكتر نهاردة وفي اليومين اللي جايين.

ورطة تجار العملة كبيرة وخساايرهم فوق التصور ودا خلي المتعاملين العاديين مع السوق السوداء يبعدوا تماما عن المخاطرة في التعامل مع سوق بتنهار.